________________
શ્રી મહાવીરસ્વામિને નમઃ
શ્રીમદ્ દાન-પ્રેમ-રામચંદ્ર-હીર-રાજતિલક-મહોદયસૂરિભ્યો નમઃ
સુકૃતની અનુમોદના
પાન અને પ્રતિષ્ઠાના લોભે ધર્મશાસ્ત્રોની ઉપેક્ષા કરીને જવાબદાર ગણાતો વર્ગ પણ જ્યારે ધર્મપ્રવૃત્તિ કરતો હોય ત્યારે યાકિનીમહત્તરાધર્મપુત્ર, સૂરિપુરંદર પૂજ્યપાદ આચાર્ય ભગવંત શ્રી હરિભદ્રસૂરીશ્વરજી મહારાજાએ સંબોધપ્રકરણમાં કહેલી વાત યાદ આવી જાય છે. અનંતજ્ઞાનીઓની ગેરહાજરીમાં તા૨ક ધર્મશાસ્ત્રોની ઉપયોગિતા જણાવતાં તેઓ શ્રીમદ્ કહી રહ્યા છે કે “કલિકાલના દોષથી દૂષિત બનેલા ખરેખર અનાથ એવા અમારા જેવા જીવોનું જો જિનાગમ ન હોત તો શું થાત ?” હૃદયભેદક આ વાત જાણીને અંતર જિનાગમો ઉપર અહોભાવથી ઓવારી જાય છે.
માન
-
આપણા દુર્ભાગ્યે આગમરૂપી વિશાળ દરિયો તો નષ્ટ પ્રાય થઇ ગયો છે. રહ્યું સહ્યું જે કંઇ બિંદુ જેટલું શ્રુત છે તેનું પણ સંરક્ષણ કરી તેના માર્ગે ચાલવું એ આપણી પરમ પવિત્ર ફરજ છે.
આ વાતને સતત નજર સમક્ષ રાખીને પરમ તારક અરિહંત પરમાત્માની આજ્ઞાને જીવનમાં તાણાવાણાની જેમ વણી લેવા ઝંખતાપૂજ્યપાદ આચાર્યદેવ શ્રીમદ્વિજયરાજશેખરસૂરીશ્વરજી મહારાજા મુખ્યતયા પૂ. સાધુ-સાધ્વીજી ભગવંતોને ઉપકારક અનેક ગ્રંથરત્નોનો ભાવાનુવાદ કરી શાસન ઉપર મહાન ઉપકાર કરી રહ્યા છે. તેમાંના જ પ્રસ્તુત ગ્રંથ “યતિલક્ષણ સમુચ્ચય પ્રકરણ' ના પ્રકાશનમાં હાલારરત્ન પ. પૂ. આચાર્ય શ્રી કુંદકુંદસૂરિ મહારાજાના શિષ્યરત્ન પ. પૂ. મુનિરાજ શ્રીનયભદ્ર વિ. મ.ની સત્પ્રેરણાથી તપાગચ્છ ઉદય-કલ્યાણ જૈન શ્વેતાંબર મૂર્તિપૂજક ટ્રસ્ટે (ચંદાવરકરલેન - બોરીવલી) પોતાના જ્ઞાનનિધિનો સદુપયોગ કરી મહાન સુકૃત કર્યું છે. શ્રી અરિહંત આરાધક ટ્રસ્ટ આ અવસરે તેમના સુકૃતની ભૂરિ ભૂરિ અનુમોદના કરે છે.
