Page Text
________________
યતિલક્ષણ સમુચ્ચય પ્રકરણ ૧૪૩
કુંડલોને દેખવાથી. એ પ્રમાણે બોધિ પ્રાપ્ત કરવાનો ઉપાય પ્રાપ્ત થવાંથી બહુમાનપૂર્વક ભગવંતને નમસ્કાર કરીને તે દેવ કૌશાંબીમાં મૂંગાની પાસે ગયો. પોતાની રૂપલક્ષ્મી બતાવીને કહ્યું કે, ‘હું તારો નાનો ભાઇ થઇશ. તું તેમ કરજે કે, જેથી મને જલદી બોધિ ઉત્પન્ન થાય.' તે તેને વૈતાઢ્ય પર્વત ઉપર સિદ્ધફૂટના જિનભવનમાં લઇ ગયો. પોતાનું કુંડલયુગલ તેના દેખતાં ત્યાં સ્થાપન કર્યું. તેણે ચિંતવેલા મનોરથો પૂર્ણ કરનાર એવું ચિંતામણિરત્ન દેવે તે મૂંગાને આપ્યું. એમ કરીને તે દેવ સ્વર્ગમાં ગયો.
ગાથા-૧૦૮
પેલા રત્નથી તેની દરેક ઇચ્છાઓ પૂર્ણ થાય છે. કોઇક સમયે અકાલે આમ્રફલ ખાવાનો માતાને દોહલો થયો. દોહલો પૂર્ણ ન થવાથી તે દુર્બલ દેહવાળી થઈ, એટલે તેને શંકા થઇ. જિનવચન સત્ય જ હોય છે. પેલો દેવ અહીં ઉત્પન્ન થયો લાગે છે. તે રત્નના પ્રભાવથી અકાલે પણ આમ્રવૃક્ષો ફળ્યાં. સન્માનિત દોહલાવાળી તે ગર્ભને વહન કરવા લાગી. નવ મહિનાથી અધિક કેટલાક દિવસ વીત્યા પછી પૂર્વદિશા જેમ સૂર્યને જન્મ આપે તેમ તેણે મનોહર પુત્રને જન્મ આપ્યો. નવા જન્મેલા બાળકને દાનમાં નવકારનું સુંદર દાન આપ્યું. તેમ જ કુલવૃદ્ધિ કરનાર તેનો ઘણો મોટો જન્મોત્સવ કર્યો. નામકરણની વિધિમાં ‘અર્હદ્દત્ત’ એવું નામ સ્થાપન કર્યું. ક્રમે કરી વૃદ્ધિ પામ્યો, એટલે બાળક જિનેશ્વરના મંદિરમાં તેમ જ સાધુઓ પાસે લઇ જવાતો હતો, તેમના ચરણ-કમળમાં પગે લગાડાતો હતો. અતિકટુક રુદન કરે, ત્યારે તેને મારતા પણ હતા. યૌવનવય પામ્યો, ત્યારે ઘણા લાવણ્યવાળી ચાર કન્યાઓ સાથે તેનો વિવાહ કર્યો. બાધા વગરના ચિત્તથી તેની સાથે રાત્રિ કે દિવસનો વિભાગ કર્યા વગર વિષયસુખ ભોગવતો હતો. સમય પાક્યો એટલે અશોકદત્તે પૂર્વનો સંકેત કહ્યો, તો પણ તલના ફોતરા જેટલી પણ તેની વાત સ્વીકારતો નથી. એટલે અશોકદત્ત તીવ્ર સંવેગથી પ્રવ્રજ્યા અંગીકાર કરીને ઉગ્રતપની આરાધના કરીને દેવ થયો. સમયે અવધિજ્ઞાનનો ઉપયોગ મૂક્યો, તો જાણ્યું કે અતિગાઢ મિથ્યાત્વનો ઉદય છે, તેથી તેને હજુ શ્રદ્ધા થતી નથી.
| SR No. | 005894 |
| Book Title | Yatilakshan Samucchay Prakaran |
| Original Sutra Author | N/A |
| Author | Rajshekharsuri |
| Publisher | Arihant Aradhak Trust |
| Publication Year | 1999 |
| Total Pages | 306 |
| Language | Gujarati |
| Classification | Book_Gujarati |
| File Size | 17 MB |