________________
યોગપતિ માટે
કરવાથી મન શાંત થાય છે. એથી આપણને આનંદ આવે છે. આપણું હૃદય પણ ઉદાર બને. કોઈની ભૂલોને આપણે ક્ષમા આપતાં શીખીએ. એણે ભૂલ કરી તો એના અજ્ઞાનના કારણે, આપણે તો ક્ષમા જ આપીએ. ઉત્સવ એટલા માટે છે કે માણસ ભૂતકાળની કટુતાને ભૂસી આજને આનંદથી માણે, પણ એ ક્યારે બને? નકામી વાતોમાં સમય ન વેડફીએ અને એકાંતમાં શાંત ચિત્તે સુંદર વિચાર કરીએ ત્યારે.
છેલ્લે આવે છે “વચનવિલાસ'. અર્થહીન અને સત્વહીન વાતોમાં સમય ન ગુમાવે. જેનો કોઈ અર્થ નહિ, જેનો કોઈ ઉપયોગ નહિ, જેનું કાંઈ સારું ફળ નહિ એવું બોલબોલ કરવાથી વચનબળ નિર્બળ બને. આ પ્રકારના વાણીવિલાસથી બૂરું જ થાય, વચનનું જોર ઘણું છે. કસમયે અને કસ્થળે બોલાયેલું વચન વિનાશ નોતરે છે. બહુ બોલવામાં ક્યાંક એવું બફાઈ જાય કે જેનું પરિણામ નરસું આવે. ઘરમાં ઝઘડા થઈ જાય, ગામમાં કજિયા થાય અને વિશાળ જગતમાં બોલવામાંથી જ વિશ્વયુધ્ધ સુધી વાત વધે. વાણીનો સંયમ એ શકિતનો સંયમ છે. વાણી કરતાં મનનું બળ વધારે છે.
: આ પાંચ ચીજ ઓછી કરો એટલે અંદરના ધ્યાનનો પ્રકાશ લાધે. સમય મળે ત્યારે એકાતે ધ્યાન ધરો. મિન કેળવો. વસ્તુને સહજ ભાવે જોતા શીખો. એને વળગી ન રહો. એને છોડતાં શીખો તો દુઃખ, દ્વેષ કે ક્રોધ ન થાય. આત્મા નિજાનંદમાં મસ્ત રહે. એ બહારના કષાયોનાં વાવાઝોડાથી ચલિત ન થાય. અને ચલિત ન થાય તો જ નિજાનંદમાં મસ્ત થઈ શકે અને આનંદયોગનો યોગ થાય.
