________________
સાધનોનું સન્દર્ય
અહીં આવવા માટે પ્રારંભમાં તમે મારો આભાર માન્યો. પણ એ તો મારો આનન્દ છે. મેઘ જેમ ધરતીના પ્રત્યેક ખૂણે વરસે છે, તેમ સાધુએ પણ સ્થળે સ્થળે જઈ ધર્મવર્ષા કરવાની છે. મેઘ વિના બોલાવે આવે છે, કોઈ પણ જાતના ભેદભાવ વિના મેઘજળ વરસે છે, સૂર્ય પ્રકાશ આપે છે, અને વાયુ હવા આપે છે, તેમ ધર્મ પણ સૌને ભેદભાવ વિનાં શાંતિ અને સત્ય આપે છે. જ્ઞાનીઓના વચન દુનિયાના કલ્યાણ માટે જ છે. વિના મૂલ્ય જ જ્ઞાનની ધારા વહાવવાની છે. બીજા દેશોમાં જ્ઞાન વેચાય છે. ડેલ કાર્નેગી તો વ્યાખ્યાનની ટિકિટ રાખો, અને એમાં લાખો કમાતો. પણ આ દેશમાં શાન અમૂલ્ય છે. સૂર્યના પ્રકાશનું બિલ મહિનો થાય અને આવે તો શું થાય? ગરીબો તો મરી જ જાયને? પણ અમૂલ્ય વસ્તુઓ વિના મૂલ્ય જ મળે છે. અંતરને ધોઈ ઉજજવળ કરનાર ભકિત, એ પણ અમૂલ્ય વસ્તુ છે. તે અહીં વિના મૂલ્ય મળે છે. આ ભક્તિરૂપી ન્યાયાધીશ જીવનમાં બધાં જ કાર્યોને ન્યાય આપે છે. આ અમૂલ્ય ભક્તિનાં નીરથી આપણાં અંતર ધોઈ, ચિત્તને કુંદન જેવું ઉજજવળ કરીએ તો આજનો પ્રસંગ અને દિવસ ધન્ય થાય.
