________________
વાણી પરોપકાર માટે હો!
ભગવાન વર્ધમાનને ચંડશિક સર્પ ડંખ મારે છે. શરીરમાંથી ધારા વહે છે. જવાબમાં પ્રભુ ઉગ્ર બનતા નથી. વાણીના પ્રહાર કરતા નથી. શાંતિથી બુજઝ બુજઝ" કહે છે. ભગવાન સપને પ્રતિબોધવા, શાંત કરવા પ્રેમની અમૃતવાણી વરસાવે છે. પ્રેમ હૃદયનાં દ્વાર ખોલી નાખે છે. પ્રેમમાં હૃદય સર્વ સમર્પણ કરી દે છે.
જોયું ને! લોહીને બદલે અહીં દૂધ વહે છે. શબ્દોમાં જાદુ છે: એ ઝેર પણ છે અને અમૃત પણ છે. શત્રુને પણ મિત્ર બનાવી શકે
શ્રાવકનું લક્ષણ ક્યું? જે રોજ સાંભળે તે શ્રાવક. તે સમજણ ને શ્રધ્ધપૂર્વક આત્માનો અવાજ સાંભળે છે કારણકે સાંભળનારને વિવેકનો પ્રકાશ મળે છે, સાચું ભાન થાય છે. માણસ જ્ઞાનનો ભૂખ્યો છે. તેને ખોરાકની જરૂર છે. તે ખોરાક મળે ક્યાંથી? વાણીમાંથી. વાણી સારી તો માણસ સારો.
| માણસની માણસાઈને સમૃધ્ધિથી માપવામાં આવી નથી; મપાય તો તે દિલથી જ મપાશે. કોઈને હલકો ન પાડે. કોઈનું કોઈ દિવસ અપમાન ન કરે. નહિતો માણસાઈની રાખમાંથી આગ ભભૂકી ઊઠશે. એમાંથી અવાજ નીકળશે કે આણે મારું અપમાન કર્યું છે !
પાંડવો વનમાં ગયા. શ્રીકૃષ્ણ દુર્યોધનને સમજાવવા ગયા કે તું વધુ નહીં તો પાંચ ગામ પાંડવોને આપ. હું તને ધર્મ સમજાવવા આવ્યો છું. એમણે ઘણી સુંદર વાતો કહી, પણ તેણે એ ન સાંભળી.
