________________
સાધનોનું સન્દર્ય
-
૧૦૦
આંખ બંધ કરીશું તો એમ લાગશે કે ભગવાન હમણાં જ થઈ ગયાં, જાણે કાલે જ થઈ ગયા. તેઓશ્રીની સ્મૃતિ સતત મનોભૂમિ પર તાજી ને સ્વસ્થ અને નજીક હોવાની આપણને કેમ પ્રતીતિ થાય છે? કારણકે એ સત્ય આપણા હૃદયની પ્યાસ છે, અને સત્ય સંદેવ શાશ્વત હોય છે. વસ્તુઓ બદલાય, પણ સત્ય બદલાતું નથી. આજે નહિ. કરોડો વર્ષો પછી પણ ભગવાન મહાવીરનાં પ્રબોધેલાં પરમ સત્યો બદલાવાના નથી.
ભગવાન મહાવીરનો આત્મા પણ આપણા આત્મા જેવો જ એક આત્મા હતો. તેઓ ઉપરથી નથી આવ્યા કે આકાશમાંથી નથી અવતર્યા. પણ ધરતી પરથી ઊભા થયા. ધરતીની માટીમાંથી ભગવાન કેવી રીતે બની શકાય તે એમણે પોતાના જીવનમાં જીવી બતાવ્યું. માનવને મહાવીર બનવાની પ્રેરણા આપી. ' ,
તીર્થકરોમાં વર્ધમાન મહાવીર અંતિમ તીર્થકર છે. એમના જીવનપ્રસંગો નિહાળી અને જીવન સિધ્ધાંતોના હાર્દમાં જીવીશું તો આપણામાં પણ પ્રભુતામાં પરમ તેજ પ્રગટશે. એમનો જન્મ જાણે પ્રાર્થનાના ઉત્તરરૂપ હતો. સંક્રાન્તિને એ સમય હતો. શ્રી પાર્શ્વનાથ અને શ્રી નેમિનાથે પ્રબોધેલો માર્ગ ભુલાયો હતો. તે સમયે મગધની ધરતી પર સિધ્ધાર્થ રાજા અને ત્રિશલારાણીને ત્યાં આ બાળકને જન્મ થયો, ત્યારે આ ધરતી પર હિંસા અને સુરાપાનનું સામ્રાજ્ય વ્યાપેલું હતું, જાતિવાદ યુધ્ધ ચડ્યો હતો. ધર્મ ખેંચાખેંચીમાં પડ્યો હતો.
તરફ અંધકાર વધતો હતો. એ સમયે એ અંધકારને પ્રકાશથી ઉજજવળ કરતા આ પરમ તેજનો પ્રાદુર્ભાવ થયો.
