________________
न चाधिकरणं ह्येतद्विशुद्धाशयतो मतम्।
अपि त्वन्यद्गुणस्थानं गुणान्तरनिबन्धनम्।।११।। वैयावृत्त्ये गृहस्थानां निषेधः श्रूयते तु यः।
स औत्सर्गिकतां बिभ्रतस्यार्थस्य बाधकः।।१२।। ये तु दानं प्रशंसन्तीत्यादिसूत्रेऽपि संगतः।
. विहाय विषयो मृग्यो दशाभेदं विपश्चिता।।१३।। नन्वेवं पुण्यबन्धः स्यात्साधोर्न च स इष्यते। ____पुण्यबन्थान्यपीडाभ्यां छन्नं भुंक्ते यतो यतिः।।१४।। दीनादिदाने पुण्यं स्यात्तददाने च पीडनम्।
शक्तौ पीडाऽप्रतीकारे शास्त्रार्थस्य च बाधनम्।।१५।। किं च दानेन भोगाप्तिस्ततो भवपरंपरा। .. धर्माधर्मक्षयान्मुक्तिर्मुमुक्षोर्नेष्टमित्यदः ।।१६।।। नैवं यत्पुण्यबन्धोऽपि धर्महेतुः शुभोदयः।
वढेर्दाह्यं विनाश्येव नश्वरत्वात्स्वतो मतः।।१७।। भोगाप्तिरपि नैतस्मादभोगपरिणामतः।
मंत्रितं श्रद्धया पुंसां जलमप्यमृतायते।।१८।। न च स्वदानपोषार्थमुक्तमेतदपेशलम्।
हरिभद्रो ह्यदोऽभाणीद्यत: संविग्नपाक्षिकः।।१९।। (ઉ. યશોવિજયજી મહારાજા કૃત દ્વાન્નિશ કાત્રિશિકા
પ્રથમ દાનબત્રીસી શ્લોક ૧ થી ૧૯)
