________________
પણ અમને વિકૃત લાગ્યું, અને તમને વિકૃત ન લાગવાનું કારણ તમને ધર્મનું ઊંડું જ્ઞાન નથી. વળી તેમાં આત્મા-પરમાત્માની વાતો પર સીધો પ્રહાર નથી હોતો, પરંતુ આડકતરી રીતે તેનું મૂળમાંથી ઉન્મૂલન હોય છે. આ તો એક સ્લો પોઇઝન(ધીમું ઝે૨) પિવડાવાય છે. શિક્ષણમાં ધર્મવિરોધિતા નથી દેખાતી તે તમારી અજ્ઞાનતા છે. હકીકતમાં સુગરકોટેડ ઝેર અપાય છે. આજની ધર્મસંસ્કૃતિનો જબ્બર નાશ થઈ રહ્યો છે તે આકસ્મિક નથી. મેકોલેએ શિક્ષણની સ્થાપના કરતાં જે લખ્યું છે, તેના documents(દસ્તાવેજો) અત્યારે પણ કલકત્તામાં રોયલ એશિયાટીક સોસાયટીની લાઇબ્રેરીમાં છે, જે વાંચવાથી સમજાય કે આ શિક્ષણની સ્થાપના પાછળનો હેતુ શું હતો. વચ્ચે ટાઇમ્સ ઓફ ઇન્ડીયામાં પણ આ અંગે લેખ આવેલો કે ભારતમાં archeological department-પુરાતત્ત્વખાતાની સ્થાપનામાં પણ બ્રિટિશરોનો હેતુ આર્ય સંસ્કૃતિનો નાશ કરવાનો હતો. વર્તમાન શિક્ષણક્ષેત્રમાં ઘણી જ વિકૃતિઓ ભરેલી છે. તમે તે ગ્રહણ નથી કરી અને તમને તેની અસર નથી, તે સારું છે. તેથી તમે દેવ-ગુરુ-ધર્મથી હજુ વિમુખ નથી થયા. મેં પણ સાચું માન્યું હોત તો આજે હું અહીં ન બેઠો હોત.
તમારા કુટુંબનો વારસો, સંસ્કાર, ધર્મશ્રદ્ધાના બીજના કારણે તમે તે ન સ્વીકાર્યું તે તમારા લાભમાં છે, પણ બીજા સ્વીકાર કરશે તેનું શું ? અત્યારે તો વિજ્ઞાન કહે તે નક્કર સત્ય માનવામાં આવે છે. વિજ્ઞાનના નામે ઘણું ઘણું ભ્રામક કહેવાય છે. સમાજમાં આજથી ૧૦૦ વર્ષ પહેલાં નાસ્તિક વર્ગ કેટલો હતો ? અને અત્યારે નાસ્તિક વર્ગ કેટલો વધી ગયો છે ? તેમાં જવાબદાર કોણ ? અરે ! બુદ્ધિજીવી વર્ગ એવો તૈયાર થયો છે કે જો તમે થોડા ધર્મિષ્ઠ હો તો તેમની નજરમાં હાસ્યાસ્પદ બનો.
એક ડૉક્ટર કહેતા હતા કે હું જ્યારે પણ ડૉક્ટરોની મિટિંગોમાં જાઉં, ત્યારે ઉકાળેલું પાણી લઈ જતો. ડોક્ટર્સની પેનલ બેઠી હોય પરંતુ હું પહોંચું ત્યારે ‘જય ગુરુદેવ’ કહીને મશ્કરીમાં બધા ઊભા થઈ જાય. મારી ભગતડા તરીકે જ ઓળખાણ અપાતી. પ્રામાણિકતાથી પ્રેકટીસ કરવી ને ધર્મ કરવો એ આજકાલ ગુનો ગણાય છે. આ રિઝલ્ટ શિક્ષણથી આવ્યું છે, તમે survey-મોજણી કરો તો ખબર પડે. તમને આની અસરરૂપે ખરાબ પરિણામ ન આવ્યું, તેનો અર્થ બધાને ખરાબ પરિણામ ન જ આવે તેવું નથી.
અમારે ભગવાનની આજ્ઞાવિરુદ્ધ એકપણ શબ્દ બોલવો નથી, અને જો
લોકોત્તર દાનધર્મ “અનુકંપા”
૩૮