Lokottar Dandharm Anukampa

SR No.: 005875
Original Sutra Author: N/A
Author: Yugbhushanvijay
Publisher: Gitarth Ganga
Publication Year: 2003
Total Pages: 290
Language: Gujarati
Classification: Book_Gujarati
File Size: 19 MB

Page 247

તમે સામાયિક વગેરેમાં પણ “અપ્પાણું વોસિરામિ’’ બોલો છો પણ તે વખતે વોસિરાવવાનો સાચો ભાવ આવે છે ? સામાયિક લેનારને સંસારની બધી સામગ્રી બે ઘડી માટે વોસિરાવવાની હોય છે.
દા.ત. ઘરમાં સામાયિક કરતા હો ત્યારે પણ, જે ઘર અને તેની ઘરવખરી તમારા પૈસાથી ખરીદી હોય તેના સામાયિક વખતે તમે માલિક નથી. તેથી સામાયિકમાં બેઠા પછી શરદી થઈ હોય અને એક રૂમાલ જોઈએ તો પણ ઘરના બીજા સભ્ય પાસે માંગીને લેવાનો હોય છે, કારણ ‘અપ્પાણં વોસિરામિ” કર્યા પછી તમે સામાયિકના કાળમાં ઘરના માલિક નથી. રૂમાલ સુદ્ધાંની માલિકી તમારી નથી. આવા ત્યાગના ભાવ વગર ‘અપ્પાણં વોસિરામિ’ બોલશો તો મૃષાવાદનું પાપ લાગશે અને પૂછ્યા વગર કોઈ વસ્તુ લેશો તો ચોરીનું પાપ લાગશે.
સભા :-પણ સાહેબ, ઘરમાં કોઈજન હોય તો?
સાહેબજી :- લેવાય જ નહિ.
સભા :- પહેલેથી લઇને બેસીએ તો ?
સાહેબજી :- જયણાના સાધન તરીકે લેવાય. તમે જ્યારે પૌષધ કરો છો ત્યારે એકાસણું કરવું હોય તો ઘરમાં જતાં પહેલાં તમારે રજા લેવી પડે છે. ઘર તમારું છે, છતાં પ્રવેશ માટે રજા લેવી પડે. પૌષધમાં ‘આ બધું મારું છે ને આ બધાનો હું માલિક છું’’ આમ માનો તો પણ દોષ ગણાય. પૌષધ વખતે સંસારની કોઈ વસ્તુ તમારી ન ગણાય. તમારે કદાચ એક કપડાની જોડ જોઈતી હોય તો પણ કહેવું પડે કે મને એનો ખપ છે. અને પછી બીજા તે આપે તો વપરાય, ન આપે તો ન જ વપરાય. પણ તમને તો પચ્ચક્ખાણ લો, ત્યારે પણ ખબર નથી કે શેનું પચ્ચક્ખાણ લીધું છે. વોસિરાવતી વખતે પણ જો તમારા મનમાં વોસિરાવવાનો ભાવ ન હોય તો સામાયિકમાં પણ પાપબંધ ચાલુ રહે છે, તો પછી ઊંઘમાં તો ક્યાંથી પાપબંધ અટકે ? અત્યારે તો સામાયિક વખતે તમને જો ખબર પડે કે ધંધામાં ૫૦ લાખની નુકસાની થઈ છે તો દુઃખ લાગે, અને જો સાંભળો કે નફો થયો છે તો રાજીપો થાય. આમ, નુકસાનીમાં દુઃખ અને નફામાં આનંદ થાય છે તે અંદરમાં રહેલા પાપના ભાવ સૂચવે છે. તેથી સામાયિકનું અમારી પાસે પચ્ચક્ખાણ લેતી વખતે વોસિરાવો છો તેટલા માત્રથી પાપ અટકી નથી જતું. જ્યાં સુધી પાપના પરિણામ પડ્યા છે, ત્યાં સુધી પાપબંધ ચાલુ રહેવાનો જ. તમને તો ઊંઘમાં પણ જો એવું
લોકોત્તર દાનધર્મ “અનુકંપા”
૨૩૮