Page Text
________________
પાપાનુબંધી પુણ્ય અને પુણ્યાનુબંધી પુણ્યના ભાવિ પરંપર ફળ :
પુણ્ય તમને ધર્મની સામગ્રી કે ભૌતિક સામગ્રી આપે છે, પરંતુ ભૌતિક સામગ્રીનો જો તમે દુરુપયોગ કરો તો પાપ જ બંધાય, અને ધર્મની સામગ્રીનો દુરુપયોગ કરો તો તો તમે ઘણું જ ભારે પાપ બાંધો. આમ, પાપના પોષણમાં સામગ્રી અપાવનાર પુણ્ય અંગ બન્યું, પાપના ચક્રમાં પૂરક બન્યું; કેમ કે પુષ્ય ન હોત તો તે સામગ્રી ન હોત અને સામગ્રી ન હોત તો તમે તેનો દુરુપયોગ ન કરત અને પાપ ન બાંધત. તેથી જે પુણ્ય, પાપનું પોષક કે પાપનું અભિવર્ધક બને તે પુણ્ય આત્મા માટે ખતરનાક છે. જોકે આ પુણ્ય પણ સારાં કામો તથા સગુણોથી જ બંધાય છે, છતાં આવા સદ્ગુણો પણ અંતતો વા (અંતમાં જઈને) લાભકારી નહિ પણ નુકસાનને માટે થાય. *
સારા વેપારીને ખરાબ માર્કેટ વખતે લાગે કે આ ધંધો કરવાથી અત્યારે ભલે મને નુકસાન થશે, પણ લાંબા ગાળે તે લાભકારી છે તો તે ધંધો કરે જ. જેમ ધંધામાં લાંબાં ગણિત હોય છે, તેમ અનુબંધમાં પણ લાંબાં ગણિત હોય છે. બંધ એક વાર કર્મના ફળ-વિપાકને આપે છે, સુખ-સામગ્રી પુણ્યબંધ દ્વારા નક્કી થાય છે, જ્યારે અનુબંધ તમારા દીર્ઘભાવિને નક્કી કરે છે, જેના દ્વારા ભવિષ્યમાં શું લાભ-નુકસાન થશે તે સૂચિત થાય છે. . . .
- શ્રીમંતાઈ બે પ્રકારની છે. (૧) અત્યારે જે શ્રીમંતાઇ આબાદી લાગે છે, પરંતુ ભવિષ્યમાં જે નક્કી બરબાદીનું કારણ છે, તે ખરાબ કહેવાય; જ્યારે (૨) જે શ્રીમંતાઈ ભવિષ્યમાં વધારે સારી આબાદીનું સર્જન કરનારી હોય, તે સારી કહેવાય. જેમ કોઇ વ્યક્તિ કરોડ રૂપિયાનો હીરો પાંચ લાખમાં આપે, પણ આ હીરો જેને ત્યાં જાય તેનું ધનોતપનોત નીકળવાનું જ હોય, તો તેને તમે ન જ ખરીદો. આમ તો સામે દેખીતી રીતે નફો છે, તત્કાલ લાભ છે, પણ તે લાભને તમે ન જ ગણો; કારણ અંતે મોટું નુકસાન દેખાય છે. પાપાનુબંધી પુણ્ય આવું જ છે. અત્યારે આબાદી આપે પણ ભવિષ્યમાં બરબાદી કર્યા વગર છોડવાનું નથી. આ પુણ્યથી જ ભૂકા બોલાઈ જશે. આ પુણ્ય અત્યારે થોડી મજા કરાવે, પણ પાછળથી કાસળ કાઢી નાંખે. તેથી આવા પુણ્યનો તો પડછાયો પણ ન લેવાય.
હું તમને પાપાનુબંધી પુણ્યને પુણ્યાનુબંધી પુણ્યના ભાવિ પરંપર ફળ બતાવવા માંગું છું. પુણ્યાનુબંધી પુણ્ય ક્રમસર પુણ્યની હારમાળારૂપે ચાલ્યા જ કરશે, વળી
લોકોત્તર દાનધર્મ “અનુકંપા”
૨૦૧
| SR No. | 005875 |
| Book Title | Lokottar Dandharm Anukampa |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | 2003 |
| Total Pages | 290 |
| Language | Gujarati |
| Classification | Book_Gujarati |
| File Size | 19 MB |