Page Text
________________
પણ ન આપીએ; કારણ કે પ્રભુભક્તિ સ્વદ્રવ્યથી કરવાની છે. તેવી શક્તિ ન હોય તો પારકે પૈસે પૂજા નથી કરવાની. જો શક્તિ હોય તો ઠાઠથી જ પૂજા કરવાની છે. તેવી શક્તિ ન હોય તો એક જ ભગવાનની પૂજા કરવાની, તે શક્તિ ન હોય તો એક ભગવાની પણ નવ અંગે પૂજા ન કરતાં એક અંગે જ પૂજા કરવાની અને એક અંગની પૂજા જેટલી પણ શકિત ન હોય તો પૂજા કરનાર બીજા શ્રાવકનાં કેસરબરાસ વગેરે ઘસી આપવાં, જેથી તે શ્રાવક જયારે પૂજા કરે ત્યારે ઘસી આપનાર નિર્ધન શ્રાવકને કરાવણનો લાભ મળે.
શ્રાવકનો સાચો વૈભવ તેની જિનભક્તિમાં જોવા મળે :
સભા - અમે તો આખા વર્ષના પૈસા એક સાથે ટીપમાં લખાવીએ છીએ.
સાહેબજી - તમે ખર્ચ પ્રમાણે નથી લખાવતા તેથી જ સંઘમાં તોટો આવે છે. એક તો તમે સ્વદ્રવ્યથી પૂજા કરતા બંધ થયા અને પાછો વહીવટ પણ એવો ગોઠવ્યો કે જેથી “સાધારણ ખાતાના ખર્ચાનો પાર ન રહે. ૨૦૦ ઘર વચ્ચે એક દેરાસર હોય છતાં પણ તેને સાચવવા તમારે પૂજારી રાખવો પડે છે.
સભા:- તો દેરાસરમાં સાફસૂફી કરવાની જવાબદારી અમારી છે?
સાહેબજી:- હા, દેરાસરમાં સાફસૂફી કરવાની જવાબદારી શ્રાવકોની જ છે. તમને ભગવાનની ભક્તિનાં કામ કરતાં શરમ આવે છે?
સંસારનું બધું ગદ્ધાવૈતરું કરવા ટાઇમ મળે છે, અને અહીં દેરાસર આવો ત્યારથી જ ઘડિયાળ જોયા કરો; કારણ પ્રભુ પ્રત્યે અંતરમાં હજુ સાચું બહુમાન પ્રગટ થયું નથી. સંસાર અંગે તમારામાં મૂળથી અનેક ગણો ઉલ્લાસ પડ્યો છે, જયારે પ્રભુના શાસન માટે ભોગ આપવામાં તમારામાં કેટલો ઉલ્લાસ છે તે વિંચારવાનું છે. આવા ત્રણ લોકના નાથ, દેવાધિદેવ કે જેમની ભક્તિથી તમારા ભવોભવનાં કર્મો તૂટે, તેમની ભક્તિ કરવાના પ્રબળ ઉલ્લાસો થવા જ જોઈએ. તે નથી થયા તેથી જ હજી રખડીએ છીએ. | મુરશીદાબાદમાં કેટલાયે ઠેકાણે કસોટી પથ્થરનાં ઘરદેરાસરો છે. પોતાનાં મોટાં ઘરદેરાસરો હોય, છતાં તેમાં તમને એકપણ પૂજારી ન મળે. વળી બંધાવનારના ઘરોમાં નોકરોનો પાર ન હોય. અરે! એક વર્ષના ટેણિયા માટે પણ બે નોકરો હોય. વા શ્રીમંતો હોવા છતાં પૂજા કરે ત્યારે ભગવાનના દાસ લાગે. તેમની પુત્રવધૂઓ
લોકોત્તર દાનધર્મ “અનુકંપા”
૧૮૯
| SR No. | 005875 |
| Book Title | Lokottar Dandharm Anukampa |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | 2003 |
| Total Pages | 290 |
| Language | Gujarati |
| Classification | Book_Gujarati |
| File Size | 19 MB |