Page Text
________________
પૂ. કલિકાલસર્વજ્ઞ હેમચંદ્રસૂરીશ્વરજી મહારાજાનું માતા સાધ્વીજીને નિર્ધામણા કરાવતી વખતે સાડા ત્રણ કોડ શ્લોક પ્રમાણ શાસ્ત્રરચનાનું દાનઃ
અમારે ત્યાં શિષ્યો પણ ગુરુના આત્મશ્રેયાર્થે ઘણું કરે છે. પ. પૂ. આ. શ્રી હેમચંદ્રસૂરિજીનાં સંસારી માતુશ્રી પાહિણીદેવીને દીક્ષા લેતી વખતે પતિના વિરોધના કારણે દીક્ષા મોડેથી થયેલી, વયોવૃદ્ધ ઉંમરના કારણે જયારે તેમનો અંતસમય આવ્યો ત્યારે નિર્ધામણા કરાવતાં પૂ.આ. શ્રી હેમચંદ્રસૂરિજી મહારાજે કહ્યું કે હું તમારા આત્મશ્રેયાર્થે સાડા ત્રણ ક્રોડ શ્લોક પ્રમાણ શાસ્ત્ર રચીશ, આટલો જાપ કરીશ. સંઘે પણ કરોડોના જાપનો સંકલ્પ જાહેર કર્યો. ઉપકારીના આત્મશ્રેયાર્થે આરાધના કરે તો કરનારને પણ કર્યાનો લાભ મળે અને જેના નિમિત્તે કરે છે તેને અનુમોદનાનો લાભ મળે.
તમે કોઇના નિમિત્તે ફૂલ ચઢાવો તે વખતે આ ફૂલનો લાભ આપનાર વ્યક્તિને મળો તેવો મનમાં ભાવ હોય તો આપનારને પણ લાભ મળે અને તમને પણ લાભ મળે. મફતમાં જાતે જ લાભ-જશ ખાટી જવાનો ભાવ આવે તો તે મલિન વૃત્તિ છે. ધર્મપ્રવૃત્તિમાં શુભભાવ હંમેશાં જાળવવો જોઈએ.
ઉપાશ્રયમાં ૫ લાખ રૂપિયાનો હોલ હોય, તમે સવાલાખનું જ દાન કરો ને હોલની તકતી પર તમારું સંપૂર્ણ દાતા તરીકે નામ લખાવો તો તેનો અર્થ એ જ થાય કે બાકીના પોણા ચાર લાખનો બીજાનો જશ તમારે ખાટી જવો છે.
સભા:- અત્યારે તો લોટરી કાઢે છે.
સાહેબજી :- તે તો ઘોર અપ્રામાણિકતા છે. ૫૦૦-૧૦૮૦ રૂપિયા આપીને બધો જ જશ મફતમાં ખાટી જવાની વૃત્તિ છે. વળી જુગારી મનોવૃત્તિ છે. ધર્મસ્થાનક જેવા પવિત્ર ક્ષેત્રોમાં આવી પદ્ધતિઓ લાવો એટલે દાન આપીને પણ પાપ બંધાશે. જો ૫ લાખના ઉપાશ્રયમાં સવા લાખનું દાન આપીને નામ લખાવો તો તેમાં પણ શુભભાવ ઓછો છે ને અશુભભાવ વધારે છે, તો પછી ૫૦૦ કે ૧000 રૂપિયાની લોટરી દ્વારા ૫ લાખના ઉપાશ્રય પર તકતી લગાડાવવામાં કેટલો અશુભ ભાવ આવે તે તમે જાતે જ વિચારી લો!
તમારી શક્તિ અનુસાર જ દાન કરો, અને શક્તિ ન હોય તો અમે દાનનો આગ્રહ નથી રાખતા. અમે અત્યંત ગરીબ શ્રાવક હોય તો તેને પૂજા કરવાનો નિયમ
૧૮૮
લોકોત્તર દાનધર્મ “અનુકંપા”
| SR No. | 005875 |
| Book Title | Lokottar Dandharm Anukampa |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | 2003 |
| Total Pages | 290 |
| Language | Gujarati |
| Classification | Book_Gujarati |
| File Size | 19 MB |