Page Text
________________
ઇરાદાપૂર્વક કરો તો જ પાપ બંધાય એવું નથી. પરંતુ તમારા અંદરમાં રહેલી અશુભ ભાવની વૃત્તિના કારણે વગર વિચારે પણ પાપ બંધાય છે.
સભા ઃ- કોઈ ૫રમાત્માને ચઢાવવા માટે ફૂલ આપે તો લેવાય ? સાહેબજી ઃ- પરમાત્માને ચઢાવવા માટે જે વ્યક્તિ ફૂલ આપે છે તે વ્યક્તિમાં ભક્તિનો શુભભાવ છે, પણ લેનારને તો એમ જ થવું જોઈએ કે ભક્તિ ૫૨દ્રવ્યથી ન જ કરાય. તમે સંસારમાં ખાઓ છો, પીઓ છો અને હરોફરો છો, તે પોતાના પૈસાથી જ ને ? સમાજમાં મોભાદાર વ્યક્તિને કોઈ દયાથી એમ કહે કે તું જમવા મારા ઘરે આવજે, હું તને રોજ જમાડીશ, ત્યારે તેને સ્વમાન નડે ને ? તે વખતે તે બોલે કે હું કાંઈ ભિખારી છું કે મફતનું ખાઉં ? ધર્મમાં દયા-દાન-ભક્તિનાં કાર્યો તો પોતાની શક્તિથી ને પોતાના પૈસાથી કરવાનાં છે. દાનના અવસરે બાજુમાં ઊભેલી વ્યક્તિના ખીસામાંથી ૫૦૦ રૂપિયા લઇને દાન કરો તો તેને દાન ન કહેવાય. દાન્ પોતાના પૈસે જ કરવાનું છે. બીજાની વસ્તુથી ભગવાનની ભક્તિ કરવાથી તમને શું લાભ થાય ? ભક્તિ પોતાના પૈસાથી કરો તો જ લાભ થાય.
સભા ઃ- અત્યારે તો ઘણા પારકા પૈસે દાન કરીને પાછા માને કે મેં દાન કર્યું !. સાહેબજી :- શક્તિ હોવા છતાં જેને આપવાની તૈયારી નથી, તેને અંતરાયકર્મ બંધાય. વળી પરાણે પણ દાન કરાવાય નહિ. અંદરના સારા ભાવ સાથે સારા કામમાં જ આ પૈસો જવાનો છે, એમ વિચારીને દાન આપો તો પુણ્ય બંધાશે. આના બદલે દાનના અવસરે મનમાં એમ વિચારો કે આ લપ ક્યાં ગળે પડી ? માટે છૂટકારો કરવા થોડું દાન આપો તો પાપ જ બંધાય.
સભા :- કોઈ જાત્રા કરવા જાય તે વખતે બીજા કહે કે મારા વતી આટલી ભક્તિ કરજો, તો તેને પહોંચે ?
સાહેબજી :- હા, કરાવણરૂપે પહોંચે. તમે જાત્રા કરવા જાઓ ત્યારે તમને કોઈ પોતાના વતી સત્કાર્ય-ભક્તિમાં પૈસા આપીને વાપરવાનું કહે તો તે વાત સ્વીકારી શકાય. પણ કોઈના વતી સત્કાર્ય-ભક્તિ કરવાનો વિધિ એ છે કે (દા.ત.) જ્યારે એના વતી ૧૦૦ રૂપિયાનાં ફૂલ ચઢાવતા હો, ત્યારે મોટેથી કહેવાનું કે આનો લાભ અમુક વ્યક્તિને મળજો.
૧૮૬
સભા ઃ- ધર્મસ્થાનકમાં પણ સંસારનાં સગાં-વહાલાંને યાદ કરાય ?
:
લોકોત્તર દાનધર્મ “અનુકંપા”
| SR No. | 005875 |
| Book Title | Lokottar Dandharm Anukampa |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | 2003 |
| Total Pages | 290 |
| Language | Gujarati |
| Classification | Book_Gujarati |
| File Size | 19 MB |