Page Text
________________
ભલું જ કર્યું છે. ઋષભદેવ ભગવાને દીક્ષા લીધી તો આખી પ્રજા રહી છે. છતાં સંસારમાં રહીને નિષ્પાપ જીવન જીવી ન શક્યા અને નિષ્પાપ જીવન જીવવા સંસારનો ત્યાગ કરવો જ પડ્યો. માટે મુનિજીવન સિવાય પૂર્ણ ધર્મ છે જ નહિ. તેથી પૂર્ણ ધર્મનો આચાર સંપૂર્ણપણે તમને ગમવો જોઈએ. તેમાંનું કોઈ પણ પાસું ન ગમે એટલે વિચિકિત્સા આવે. માટે સારા સાધુ-સાધ્વીની નિંદા-અરુચિ-જુગુપ્સા-ઉપેક્ષા કરો તો પણ વિચિકિત્સારૂપ અતિચાર લાગે જ છે. ઘણા તો ચાર ભેગા થાય એટલે સાધુ-સાધ્વીની જ વાતો બોલે. બે ચાર સાધુના કડવા અનુભવથી આખી સાધુસંસ્થા માટે બોલવાનું ચાલુ કરે. તે કારણે આ અતિચાર આવી ઊભો રહી જાય. હા, ખરાબ-શિથિલાચારી સાધુ-સાધ્વીની ભક્તિ-બહુમાનની વાત નથી, પણ સારા સાધુ-સાધ્વી પ્રત્યે પણ ઉપેક્ષા-અણગમો હોય તો નક્કી વિચિકિત્સા આવવાની, માટે સાધુ અને સાધુજીવન પ્રત્યે અનન્ય બહુમાન ટકે તેવી રુચિ તમારે રાખવાની છે. '
૪. અમૂટદેષ્ટિ દર્શનાચાર અષ્ટવિધ દર્શનાચારમાં તો ધર્મનો ઉપાસક કેવો હોય અને તેનું ધર્મ પ્રત્યે માનસ કેવું હોય તેનું સંપૂર્ણ વર્ણન છે. આપણે ત્યાં લખ્યું “સમ્યગ્દષ્ટિ જ્યાં જાય ત્યાં હીરાની જેમ ઝળકે.” પણ તમે ઝળકો છો? તમારી વિશેષધર્મી તરીકેની છાપ-છાયા પડે છે? કેમ નથી પડતી? આઠમાંથી એકેય આચારનું ઠેકાણું નથી. વળી આગળ જશો તેમ એક કરતાં એક . કઠણ આચાર આવવાના. આ આઠમાં દર્શનગુણનો સાંગોપાંગ આચાર આવી જાય. ' હવે દર્શનગુણ પામેલા શ્રાવકમાં કદી મૂઢદષ્ટિપણું ન હોય. દષ્ટિ એટલે ધર્મમાં આસ્થા, ધર્મની સમજ, ધર્મ પ્રત્યેના Clear(સ્પષ્ટ) દૃષ્ટિકોણ. અન્ય ધર્મ કે અધર્મના પ્રભાવમાં મૂઢતા ન હોય તો અમૂઢદષ્ટિ, મૂઢતા હોય તો મૂઢદષ્ટિવાળા.
ઘણા ધર્મના ક્ષેત્રમાં આવે પણ બીજી બીજી વાતોથી પ્રભાવિત થઈ જાય. સાચો ધર્મ છોડી બહારના પુણ્ય- ચમત્કાર-ફટાકા જોઇ અંજાઈ જાય તો તે મૂઢદષ્ટિવાળા કહ્યા. ઘણાને મહારાજ કે ભગવાન ચમત્કારિક જોઈ તરત છાયા પડે કે ભક્તિમાં ઉછાળો આવે. બોલો છો ને અતિચારમાં કે “અનેરા દર્શનિયામણો કષ્ટ મંત્ર ચમત્કાર દેખી પરમાર્થ જાણ્યા વિના ભૂલ્યા વ્યામોહ્યા.” દુનિયાના બીજા ધર્મોમાં, જેમાં સચ્ચાઈની વાત ઓછી હોય પણ જાહોજલાલી હોય, ચમત્કારની વાતો હોય, તેમના ગુરુઓ પણ વાતવાતમાં ચમત્કાર દેખાડે, આ બધો ભૌતિક આડંબર છે અને તે આત્મિક વસ્તુ નથી. આ જોઈ જે લોકો અંજાઈને તેનાથી ધર્મમાં લેવાઈ જતા હોય, તે બધા મૂઢદષ્ટિવાળા છે. આજે “પોપ” જ્યાં જાય ત્યાં લાખો લોકો દર્શન માટે ઊમટે. ફીલીપાઈન્સમાં ચાલીસ લાખ લોકો આવેલા. આજે વધારેમાં વધારે ઝાકઝમાળ ક્રિશ્ચિયનોની છે. આપણા ધર્મમાં ચમત્કારિક મહારાજ જુએ તો ત્યાં ભટકાય. વળી આજે સૌથી મોટો ચમત્કાર આ તમારા વિજ્ઞાનનો છે. ૯૦% લોકો બીજા ધર્મોના ચમત્કારમાં ન અંજાતા હોય તે પણ વિજ્ઞાનના ચમત્કારમાં તો અંજાઈ જ જાય. વિજ્ઞાન કહે છે, હવે તો માણસ પેદા કેવો કરવો તે પણ લેબોરેટરીમાં નક્કી થશે. લેબોરેટરીમાં જોઈએ તેવા કૂતરા-બિલાડા-માણસો પેદા કરવાનું ચાલુ થશે.
એક કડક ક ક ક ક ક
ક હ ૩૪
ક ક ક & શક(દનાચાર
| SR No. | 005867 |
| Book Title | Darshanachar |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | |
| Total Pages | 114 |
| Language | Gujarati |
| Classification | Book_Gujarati |
| File Size | 10 MB |