________________
બંધાય, નિર્જરા થાય અને ઊંચા ગુણોનો વિકાસ થાય છે. તેમ અસ્નાન, અદત્તત્યાગ, વિહાર વગેરે આચાર બતાવ્યો. તેની પાછળ પણ રહસ્ય છે. પવિત્ર જીવન જીવવા માટેનો માર્ગ આ જ છે. તેથી બધા સાધ્વાચાર ગમવા જોઇએ. તમારે અપરિગ્રહી બનવું હોય, પૂર્ણ બ્રહ્મચારી બનવું હોય, ચોરીના પાપનો સંપૂર્ણ ત્યાગ કરવો હોય તો પણ મુનિજીવન સિવાય શક્ય નથી. શાસ્ત્ર કહે છેઃ પુણિયા શ્રાવકના જીવનમાં પણ અણુ જેટલી ચોરીનો જ ત્યાગ છે, અને પહાડ જેટલી ચોરી ચાલુ છે.
સભા ઃ- કેવી રીતે?
સાહેબજીં :- શાસ્ત્રમાં એક ઠેકાણે લખ્યું: સાધુ ગરમીમાં જતો હોય અને ઠંડક મેળવવા ઝાડ નીચે ઊભો રહે તો પણ તેને અદત્તાદાનનું ચોરીનું પાપ લાગે. માટે સાધુએ ઝાડની છાયામાં ઊભા રહેવા માટે ઝાડના માલિકની સંમતિ લેવા ‘અણુજાણહ જસ્સગ્ગહો’ કહી પછી ઊભા રહેવું પડે. આવાં કેટલાંય Aspects(પાસાં) છે. ફળ તોડો તો તો ચોરી જ છે. તમે શાકભાજી ખરીદી સમારી ખાઓ છો, તેનું ચોરીનું પાપ તો તમને લાગે જ છે ને? શાક પર માલિકી ઝાડની હતી. તેને પૂછ્યું છે?
સભા ઃ- અમે પૈસા આપી શાક ખરીદીએ છીએ ને!
સાહેબજી ઃ- શાકવાળાનો શાક ઉપર હક્ક હતો? તે ચોરી લાવ્યો હતો, તે તમે ખરીદ્યું. માટે તે ચોર તમે ઘંટીચોર.
સભા :- આપ શાક વાપરો એમાં દોષ ન લાગે?
સાહેબજી ઃ- ખરીદનાર તમે બધાએ તે શાક ઉપર પ્રોસેસ કરી આમ ને આમ તેનું શરીર વધારી નાખ્યું. એ નિર્જીવ થયા પછી જીવનું કલેવર છે. તેમાં જીવની હિંસાનો પ્રશ્ન જ નથી. વળી, તે શરીરનો માલિકીહક્ક ધરાવનાર જીવ તો પરલોકમાં ચાલ્યો ગયો હોવાથી, હાલમાં વ્યવહા૨થી તેનો જે માલિક હોય તેની જ પરમીશન લેવાની રહે. જેમ અત્યારે તમારા શરીર પર તમારો હક્ક છે, પરંતુ મર્યા પછી વ્યવહારથી હક્કદાર એવા તમારા કુટુંબીઓ તમારા શરીરનો અગ્નિદાહ આદિ રૂપે યોગ્ય નિકાલ કરી શકે છે, પણ જીવતાં તેવો વ્યવહાર કરે તો અપરાધી ગણાય છે. માટે નિર્જીવ કલેવરમાં વ્યવહારથી માલિકની જ સંમતિ લેવાની હોય છે. માટે નિર્જીવ વસ્તુને વહોરતાં સાધુને દોષ નથી.
સભા ઃ- તૈયાર શાક લાવીએ તો?
સાહેબજી ઃ- બજારમાંથી તૈયાર શાક લઇ આવો તો પૈસા આપશો અને પૈસા આપશો એટલે તેની ચોરી, હિંસામાં પ્રોત્સાહન આપ્યું. વળી તેમાં હિંસાનું ઓછું પાપ લાગશે પણ અભક્ષ્યનું મોટું પાપ લાગશે. પાપના પ્રકારો મગજમાં હોવા જોઇએ. માટે પવિત્ર-નિષ્પાપ જીવન જીવવા જગતમાં મુનિજીવન સિવાય છૂટકો જ નથી. તીર્થંકરોને પણ નિષ્પાપ જીવન જીવવા મુનિજીવન સ્વીકારવું પડ્યું. બાકી આપણા ભગવાન તો સંસારમાં હતા ત્યાં સુધી પણ બધાનું
દર્શનાયાર) ********
33 ***