Page Text
________________
સમકિતી ધર્મ કરતો જાય અને આત્માના સુખનો તત્કાલ અનુભવ કરતો જાય, તેવો તાત્વિક રોકડિયો ધર્મ છે. પણ અત્યારે શુભ ભાવ જો સ્થૂલ હશે તો પણ આટલું ફળ છે અને તેમાં વિશ્વાસ બેસી જાય તો પણ ધર્મમાં જોડાઈ જાવ. આંતરિક ફળ અનુભવે પછી તો શાસ્ત્ર કહે છે કે, સમકિતીને સામાયિકના ફળનો એવો અનુભવ થાય છે, તે જાતે કહે કે દુનિયાના કોઇ પણે ભૌતિક પદાર્થમાં આવું સુખ આપવાની તાકાત નથી.
વળી આત્માના સુખમાં ઊંધું છે. સંસારનું સુખ જેમ ભોગવો તેમ ઘટે, જ્યારે આત્માનું સુખ જેમ ભોગવો તેમ વધે. શરબત પીઓ તો પીતાં પીતાં સુખ ઘટે અને છેલ્લે શૂન્ય આવી જાય, અને પછી પણ આપે તો?
સભા - વોમીટ ચાલું થાય. સાહેબજી - જોયું? તમે પણ છો, શરબત પણ છે, બંને તે જ છો, પણ સુખ ચાલ્યું ગયું;
જ્યારે આત્માનું સુખ તો ભોગવો તેમ વધે. આત્માના સુખની ઇચ્છા કરો ત્યારથી જ નિર્જરા ચાલુ થાય, કેમ કે આત્માનું સુખ તે શુદ્ધ ભાવ છે. જેમ જેમ વિકારો ઘટે, તેમ તેમ આત્માનું સુખ ભોગવવા મળે અને તેથી નવો નવો કર્મનો ક્ષયોપશમ થાય અને તે દ્વારા ફરી નવું આત્માનું સુખ પ્રગટે. દા.ત. શાસ્ત્ર કહે છે કે બે પ્રકારની લક્ષ્મી હોય. પુણ્યાત્માની લક્ષ્મી, એક પૈસો બીજા પૈસાને લાવે તેવી હોય; જ્યારે પાપાત્માનો પૈસો, ભવિષ્યમાં ગરીબીને લાવે તેવો હોય તેમ આત્માનું સુખ બીજા સુખને લાવવાનું કારણ છે, માટે જેમ જેમ ભોગવો તેમ તેમ સુખનો ગુણાકાર થશે; જયારે ભૌતિક સુખમાં સુખ જેમ જેમ ભોગવો તેમ સુખનો ભાગાકાર થશે. પૂ. ઉપાધ્યાયજી મહારાજ સાહેબ ફરમાવે છે કે ઊંચાં આત્મસુખો ભોગવનારા મહાત્માઓ, લોકો પાસે આત્મસુખની વાત કરશે તો તે કેવી લાગશે? તો ગામડાના માણસ પાસે અમેરિકાના મહાલયોની વાત કરે તો જેમ આશ્ચર્ય લાગે, તેમ અહીં થશે.
* જે જીવ માર્ગે ચઢ્યો તેને પહેલાં એક ગુણ પ્રગટે, અને તેનાથી જ આગળ આગળ લયોપશમ થાય અને અનેક ગુણો પ્રગટે. નયસારના ભવમાં એક ગુણ હતો, પણ તે એવો ખીલેલો કે નયસારથી મહાવીર બન્યા ત્યાં સુધીમાં અનેક ગુણોનો ગુણાકાર થયો. શ્રેયાંસકુમારને પૂર્વે અનામિકાના ભાવમાં સ્ટાર્ટીગ પોઈન્ટ(પ્રારંભ બિંદુ) સ્વરૂપ ગુણસ્થાનકની પ્રાપ્તિ થઈ. તે અનામિકા એવો પાપનો ઉદય લઈને આવી છે કે તે ઘરમાં માબાપને જ અણગમતી હતી. સાત બહેનો પર આઠમી જન્મી. એનો બાપ અકળાયો છે, તેથી સમાચાર સાંભળી ઘર છોડી ચાલ્યો ગયો. મા પણ ગાળો આપે છે. કેવી રીતે મોટી થઈ હશે? આયુષ્યબળ એટલે કે મોટી થઇ. બચપણથી ડફણાં, ઠપકો ખાઈ ખાઈ મોટી થઈ. તેમાં એક દિવસ બધા મોજમજા કરે છે. તે જોઈ તેને થયું કે બધા કેવું સરસ ખાય છે. એટલે માને કહે છે, મને પણ લાડુ આપ. મા ધમકાવી કહે છે, કામ કર. હતાશ થઈ બહાર નીકળી છે. પહાડ પર લાકડાં કાપવા જાય છે. પણ આ સ્થિતિમાં ધર્મની સામગ્રી મળી. એક ગુણ પ્રગટ્યો પછી વિકાસ ચાલુ થશે. પુણ્ય
એવું કે પહાડ પર શુભધ્યાનમાં મગ્ન મહાત્મા કેવલજ્ઞાન પામતાં દેવતા મહોત્સવ કરવા . આવ્યા છે. પેલી ચકળવકળ જુએ છે. બધાની જેમ મહાત્માને પગે લાગે છે. ભૂખ-તરસ ભૂલી ગઈ. મહાત્મા દેશના આપે છે. થોડું ગ્રહણ કર્યું. સાંત્વન થાય તેવા શબ્દો સાંભળી (દનાચાર) ક ક ક ક રોક ક ૨૭) એક ક ક ક ક ક ક ક શાક
| SR No. | 005867 |
| Book Title | Darshanachar |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | |
| Total Pages | 114 |
| Language | Gujarati |
| Classification | Book_Gujarati |
| File Size | 10 MB |