Page Text
________________
ક્ષણે મરે છે. આટલા મરનારા કેમ છે? ત્યાં શાસ્ત્રમાં દલીલ આપી છે કે, મારવાનું ફળ મરવાનું જ છે, માટે મારનારા વધારે છે અને મરનારા પણ વધારે છે. અત્યારે જે મારનારા છે તે ભવિષ્યમાં મરનારા છે, અને અત્યારે મરનારા છે તેમનું પુય આવશે તો મારનારા જ બનશે. પણ આમાંથી કોણ બચશે? જે શુભ ભાવનામાં જ ધર્મમાં આવશે તેને શુભ ફળ મળવાનાં ચાલુ થશે. આપણે ત્યાં એક-બે-ચાર જીવ માટે સારી ભાવના કરો તો તે બધાનું ફળ ચોક્કસ છે.
સભા - દેરાસર જવાનો વિચાર કરવો, પગ ઉપાડવો, જવું, દર્શન કરવાં વગેરેનાં ફળ અમુક ઉપવાસ બતાવ્યા છે, તે શું? સાહેબજી -બધું સંદર્ભ સાથે લખ્યું છે. પહેલાં તો ઉપવાસનું ફળ ખબર છે? ઉપવાસ એટલે શું ચીજ છે?
સભા - બધી વસ્તુનો ત્યાગ. . સાહેબાજી -બધી વસ્તુનો ત્યાગ નહિ. આ ઉપવાસ કર્યા પછી પફ-પાવડર, સોફામાં બેસવું, . વાહનમાં ફરવું વગેરે નહિ કરો? હા, બધી ખાવા-પીવાની વસ્તુનો ત્યાગ. દુનિયામાં જેટલી ખાવા-પીવાની વસ્તુઓ છે, તેનો ચોવીસ કલાક પૂરતો ત્યાગ. તે પણ સંપૂર્ણપણે નથી કરતા. ઉપવાસ કર્યો હોય અને મહેમાન આવે તો બનાવો ખસ ને? એટલે તમે પોતે ખાઓ-પીઓ: તેમાં થતી હિંસાનો જ ઉપવાસમાં ત્યાગ. હવે દુનિયામાં ખાવા-પીવાની વસ્તુ કેટલી? તે બધી બનાવવામાં, રાખવામાં જે લાખો કરોડો જીવોની હિંસા હોય, તે બધી હિંસાનો તમે એક દિવસ પૂરતો તમારા પૂરતો ત્યાગ કર્યો. પણ ઉપવાસ કરતાં જે ત્યાગ ક્યું તેના કરતાં, તે ભગવાનનાં વિધિપૂર્વક દર્શન કરવા જાય, તેમાં ઘરેથી નીકળે તે જ વખતે શું ભાવ હોય? કે પૂર્ણ અહિંસાના સ્થાપક એવા પરમાત્માનાં દર્શન-પૂજા-ભક્તિ કરવા જાઉં છું; અને જાઉં છું ત્યારથી રસ્તામાં પાપના ભાવ નહિ કરવા તેવી ભાવનાપૂર્વક, જયણાપૂર્વક ચાલતા ચાલતા જાય, તેમાં ઉપવાસ કરતાં ઘણો ઊંચો ભાવ આવશે. પછી દેરાસરમાં પેસતાં “નિશીહિ” કરશે, જેમાં સંસારનાં તમામ પાપોનો મન-વચન-કાયાથી ત્યાગ આવશે. આ બધા પાસે ઉપવાસનો ત્યાગ તો ટીપું થઈ જાય. માટે વિધિપૂર્વક પૂજા કરનારને છ મહિનાના ઉપવાસનું ફળ મળે તે ગપ્પાં નથી. તમે જે ધર્મ કરો છો તે શું છે? શા માટે કરો છો? તેનું ફળ શું? તેનો તમે ક્યારેય વિચાર કર્યો જ નથી. પૂજામાં અહિંસા-ત્યાગ ઘણો વધારે થવાનો. યોગ્ય આચરણ ન કરો, એટલી ખામી હોય, તેટલું ઓછું ફળ મળે છે; પણ યોગ્ય આચરણનું ફળ તો મળશે જ. સદાચાર-દુરાચારનું ફળ નહિ માનો તો આખી વિશ્વવ્યવસ્થા પડી ભાંગશે. સાચો ધર્માત્મા એ કે જેને ધર્મના ફળમાં શ્રદ્ધા હોય. તે તો ધર્મઅનુષ્ઠાન કરવા તલસતો હોય.
સભા:- ધર્મનું તાત્ત્વિક ફળ શું? સાહેબજી - અરે! આટલું સ્થૂલ ફળ તો વિચારો. આટલું સ્થૂલ ફળ વિચારશો તો પણ મને નથી લાગતું કે તમે ઘેર બેસી રહેશો. બાકી તાત્ત્વિક ફળ તો ઘણું ઊંચું છે. શાસ્ત્ર તો કહે છે કે જ કરી ઝાક ક ક ક ક રોડ ૨૬૯ ૯ સ ક ક ક (દનાચાર)
| SR No. | 005867 |
| Book Title | Darshanachar |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | |
| Total Pages | 114 |
| Language | Gujarati |
| Classification | Book_Gujarati |
| File Size | 10 MB |