________________
વરકનક સૂત્ર
વળી, સમરપૂનિતું એવા ત્રીજા વિશેષણ દ્વારા જણાવાયું છે કે પરમાત્મા સર્વ દેવો દ્વારા પૂજાયેલા છે. જઘન્યથી પરમાત્માની સેવામાં ૧ કરોડ દેવતાઓ હોય છે. જે રીતે શ્રી અરિહંત પરમાત્મા દેવો દ્વારા અષ્ટ પ્રાતિહાર્ય, દેવકૃત અતિશયો, પાંચે કલ્યાણકોની ઉજવણી આદિથી પૂજાય છે તેવી રીતે દુનિયાના બીજા કોઈ કહેવાતા દેવો પૂજાતા નથી. આ પરમાત્માનો પૂજા અતિશય છે. ઉપરોક્ત ત્રણ વિશેષણોથી શોભતા તે ૧૭૦ તીર્થકરોને હું વંદન કરું છું.
આ સુંદર સ્તુતિ બોલતાં સુયોગ્ય સ્થાનોમાં રહેલા, બાહ્યથી સુંદર વર્ણવાળા, ગુણસંપત્તિનું કારણ, ઋદ્ધિસંપન્ન સુરવરોથી પૂજાયેલા વિહરતા ૧૭૦ તીર્થંકરને સ્મરણમાં લાવી બે હાથ જોડી નમસ્કાર કરવાનો છે અને તે દ્વારા મોહને મારવાની અને ગુણસમૃદ્ધિ પામવાની પ્રાર્થના કરવાની છે.
