________________
૨૧૨
સૂત્રસંવેદના-૫
શંખેશ્વર કેસરિઓ સાર, તારંગે શ્રી અજિત જુહાર, અંતરિક્ષ(કૂખ) વાકાણો પાસ, જીરાવ(ઉ)લો ને થંભણ પાસ /૧ર/ ગામ નગર પુર પાટણ જેહ, જિનવર ચૈત્ય નમું ગુણગેહ, વિહરમાન વંદુ જિન વીશ, સિદ્ધ અનંત નમું નિશદિશ/૧all અઢીદ્વીપમાં જે અણગાર, અઢાર સહસ શીલાંગના ધાર, પંચમહાવત સમિતિ સાર, પાળે પળાવે પંચાચાર ૧૪ll બાહ્ય અભ્યતર તપ ઉજમાલ, તે મુનિ વંદું ગુણમણિમાલ, નિતનિત ઊઠી કીર્તિ કરું, જીવ કહે ભવ-સાયર તરું /૧૫ . નોંધ : આ સ્તવન ગુજરાતી ભાષામાં હોવાથી તેની સંસ્કૃત છાયા આપી નથી. શબ્દાર્થ,
વિશેષાર્થ દરેક ગાથાની સાથે છે. A સ્થાવર તીર્થને વંદના:
સકલ તીર્થ વંદું કર જોડ, જિનવર નામે મંગલ કોડ - શબ્દાર્થ :
બધા તીર્થોને હું બે હાથ જોડી વંદન કરું છું. (કારણ કે) શ્રી જિનેશ્વર પ્રભુના નામના પ્રભાવથી ક્રોડો મંગલ પ્રવર્તે છે. વિશેષાર્થ :
તારે તેને તીર્થ કહેવાય છે. સંસાર સાગરથી તારવાનું સામર્થ્ય મુખ્યપણે સંસારથી તરી ગયેલા પરમાત્મામાં રહેલું છે. તે સિવાય તેમની સ્મૃતિ કરાવે તેવા તેમના નામ, તેમની મૂર્તિ આદિમાં પણ તેવું સામર્થ્ય રહ્યું છે. તેથી જ પરમાત્માની મૂર્તિ આદિને પણ તીર્થ કહેવાય છે. શાસ્ત્રીય ભાષામાં કહીએ તો આ પરમાત્માનો સ્થાપના નિક્ષેપ છે.
1. જૈન શાસ્ત્રોમાં કોઈપણ પદાર્થને સમગ્ર સ્વરૂપે સમજવા માટે નામાદિ ચાર નિક્ષેપો વર્ણવ્યા
છે. તેમાં અક્ષરોની રચનારૂપ પદાર્થનું નામ તે નામનિક્ષેપો છે, ભાવાત્મક વસ્તુને ઉદ્દેશીને અલ્પકાળ માટે અથવા તો કાયમ માટે લાકડું, પત્થર, પુસ્તક, ચિત્ર વગેરેમાં અથવા અક્ષ વગેરેમાં, તેના આકાર સાથે કે આકાર વિના જે સ્થાપના કરાય છે અથવા તો