________________
ભરસર-બાહુબલી સજઝાય
૧૯
એકવાર તેઓ બધાં સાધ્વીજીઓ સાથે વીરપ્રભુની દેશના સાંભળવા ગયાં'તાં. ત્યાં સૂર્ય-ચંદ્ર મૂળ વિમાને આવેલા, તેથી રાત પડી ગઇ છે એવું જણાયું નહિ. બીજા સાધ્વીજીઓ તો સમયનો ખ્યાલ રાખી મુકામમાં આવી ગયાં; પરંતુ મૃગાવતીજી દેશના સાંભળવામાં એકધ્યાન બની ગયેલા. તેથી તેઓ સૂર્ય-ચંદ્ર ગયા પછી રાત્રે વસતિમાં પાછાં વળ્યાં.
ગુરણી ચંદનબાળાજીએ તેમને ઠપકો આપ્યો, ‘તારા જેવી કુલીન આવો પ્રસાદ કરે !! તેઓ આ સમયે અનેક રીતે પોતાનો બચાવ કરી શકત; પરંતુ સાચા શિષ્યને છાજે તેમ તેઓએ પોતાની ભૂલનો સ્વીકાર કર્યો. ગુરુને ખમાવ્યા અને એક દોષ નિર્મળ કરતાં કરતાં તેમના સર્વ દોષો નાશ પામ્યા. કેવળજ્ઞાન પ્રાપ્ત થયું.
- “સ્વદોષના ગવેષક હે મૃગાવતીજી ! આપના ચરણે મસ્તક મૂકી અમે ભૂલનો બચાવ કરવાની કુટેવને બાજુ પર મૂકી પોતાની ભૂલને સુધારવાનું સામર્થ્ય પ્રાપ્ત કરીએ તેવી પ્રાર્થના કરીએ છીએ.” ૨૨. (૭૨) ભાવ - શ્રીમતી પ્રભાવતી પ્રભાવતી રાણી પણ ચેડારાજાની પુત્રી અને સિંધ દેશના વિતભય નગરના ઉદયન રાજાનાં પટ્ટરાણી હતાં. પૂર્વમાં કરેલા પાપના પ્રક્ષાલન માટે કુમારનંદી સોનીએ જીવિતસ્વામીની અદ્ભુત પ્રતિમાનું નિર્માણ કરેલ. આ પ્રતિમા કાળક્રમે પ્રભાવતી રાણી પાસે આવી. મંદિરમાં પધરાવી તેઓ તે પ્રભુની નિત્ય અપૂર્વ ભક્તિ કરતાં હતા. એકવાર તેમણે દાસી પાસે પૂજાના વસ્ત્રો મંગાવ્યા; પરંતુ તેમણે તે વસ્ત્રો હતાં તેનાથી જુદાં દેખાયા. આ પ્રસંગ પરથી તેમણે જાણ્યું કે પોતાનું મૃત્યુ હવે નજીક છે. તેથી તેમણે વૈરાગ્યથી વીરપ્રભુ પાસે દીક્ષા લીધી. સુંદર સંયમનું પાલન કરી સમાધિમૃત્યુ પામી દેવલોકમાં ગયાં. ત્યાંથી એવી એકાવતારી થઈ તેઓ મોક્ષે જશે.
“હે પ્રભાવતી દેવી ? આપની પ્રભુભક્તિને કોટિ કોટિ વંદન. જેના પ્રભાવે આપ સર્વ સંગના ત્યાગ દ્વારા મુક્તિને વરી શક્યાં. અમારામાં પણ આપ જેવી ભક્તિ પ્રગટે તેવી પ્રભુને પ્રાર્થના કરીએ.” ૨૦. (૭૩) શિસ્ત્રાવી - ચલ્લણા સતી સુયેષ્ઠા અને ચલ્લણા બંને ચેડા રાજાની પુત્રીઓ. એકબીજા વગર રહી ન શકે. ૬૪ કળાઓમાં નિપુણ અને રૂપમાં રંભાને શરમાવે તેવી આ બેનો ધર્મશાસ્ત્રમાં પણ નિપુણ હતી અને વીરપ્રભુના વચનને માનનારી પરમ શ્રાવિકાઓ હતી.