Page Text
________________
ભરહેસર-બાહુબલી સજ્ઝાય
અંબડપરિવ્રાજક જ્યારે પ્રભુનો સંદેશો આપવા આવ્યા ત્યારે તેમણે સુલસાના સમ્યગ્દર્શનની ખાતરી કરવા ઇન્દ્રજાળથી બહ્મા, વિષ્ણુ, મહેશ તથા તીર્થંકરના સમવસરણની ઋદ્ધિ વિકુર્તી. આખું ગામ જોવા ઉમટ્યું, પણ સુલસા ન ગઈ. બીજી બાજુ જ્યારે અંબડે સુલસાને પ્રભુનો સંદેશો આપ્યો ત્યારે સુલસાની ૩ / કરોડ
રોમરાજી વિકસિત થઈ ગઈ.
૧૭૯
મનુષ્ય તો ઠીક દેવો પણ સુલસાની પરીક્ષા કરવા સાધુ બનીને તેમના ઘરે વહોરવા આવેલા, ત્યારે સુલસાએ એક લાખ સોનામહોરની કીંમતવાળા લક્ષપાક તેલના ચાર બાટલા ફૂટવા છતાં લેશમાત્ર પણ ખેદ ન કર્યો. દેવ પણ સુલસાની ભક્તિ જોઈ પ્રસન્ન થયા.
શ્રીમતી સુલસાને હરિણૈગમૈષી દેવની સહાયથી ૩૨ પુત્રો થયા હતા, પરંતુ તેઓ શ્રેણિક મહારાજાની રક્ષા કરતાં એકી સાથે મૃત્યુ પામ્યા હતા. તે સમયે આ પ૨મ સમકિતી શ્રાવિકાએ ભવસ્થિતિનો વિચાર કરી સ્વયં તો શોક નિવાર્યો હતો અને મોહાધીન પતિને પણ શોકમુક્ત થવા પ્રેરણારૂપ બન્યાં હતાં.
સત્ત્વ, અદીનતા, શ્રદ્ધા, ભક્તિ આદિ ગુણોથી શોભતા સુલસા સતી સારા ધર્મકૃત્યો કરી અંતે સ્વર્ગે ગયા. ત્યાંથી આ જ ભરતક્ષેત્રમાં આવતી ચોવીસીમાં નિર્મમ નામના પંદરમા તીર્થંકર થઈ મોક્ષપદને પામશે.
rr
"વંદના હો આપની નિર્મળ શ્રદ્ધાને આપને નમસ્કાર કરી અમે પડ઼ા નિર્મળ સમ્યગ્દર્શનની પ્રાપ્તિ અર્થે પ્રાર્થના કરીએ.”
૨. (૧૫). ચંદ્રનવાī - મહાસતી ચંદનબાળા
વીરપ્રભુ કૌશામ્બી નગરીમાં અત્યંત કઠોર અભિગ્રહ ધારણ કરી પધારેલા ‘પગમાં લોઢાની બેડી હોય- ઉંબરા વચ્ચે બેઠી હોય- અટ્ટમની આરાધના હોય-૩ મસ્તક મુંડાવેલું હોય-૪ આંખમાં આંસુ હોય- રાજપુત્રી પણ દાસીપણાને પામેલી હોય- ભિક્ષાવેળા વીતી ગઈ હોય- ત્યારે તે સૂપડામાં રહેલા- અડદના બાકુળા વહોરાવે- તો મારે પારણું કરવું અન્યથા નહિ.’ આવો અભિગ્રહ કેવી રીતે પૂરો થાય ? પણ ધન્યાતિધન્યા ચંદનબાળાએ આ અભિગ્રહ પૂરો કરી પ્રભુને પારણું કરાવેલું.
તેઓનું મૂળ નામ વસુમતી હતું. તેઓ રાજા દધિવાહન અને ધારિણી રાણીનાં પુત્રી હતાં. ચંપાપુરી ઉપર જ્યારે રાજા શતાનીકે હુમલો કર્યો ત્યારે તેમના પિતા ભાગી ગયા અને માતાએ શીલ૨ક્ષણાર્થે પ્રાણનો ત્યાગ કર્યો. એક સુભટ તેને લઈ ભાગ્યો અને બજારમાં ધનવાહ શેઠને વેચી દીધી. તે શેઠ તેને પુત્રીની જેમ રાખતો
| SR No. | 005839 |
| Book Title | Sutra Samvedana Part 05 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2010 |
| Total Pages | 274 |
| Language | Gujarati |
| Classification | Book_Gujarati |
| File Size | 15 MB |