Page Text
________________
ભરફેસર-બાહુબલી સજઝાય
૧૬૯
ગાથાર્થ :
પ્રભવસ્વામી, વિષ્ણુકુમાર, આદ્રકુમાર, દઢપ્રહારી, શ્રેયાંસ, કૂરગડુમુનિ, શિયંભવસૂરિ અને મેઘકુમાર .
૪૬. "ભવો - શ્રી પ્રભવસ્વામી લગ્ન થયા પછી પણ વિકારરહિત એવા જંબૂકુમાર પોતાની સ્ત્રીઓ સાથે વૈરાગ્યની વાતો કરતા હતા. તે વખતે અવસ્થાપિની અને તાલોદ્ઘાટિની વિદ્યાના બળે પ્રભવ ચોર તેમને ત્યાં ૫૦૦ ચોરો સાથે ચોરી કરવા આવ્યો હતો. * જંબૂકુમારના પ્રભાવે કોઈક દેવે આ પાંચસોને ચંભિત કરી દીધા. તે વખતે 'જંબૂકુમારનો તેમની પત્ની સાથે નો વૈરાગ્યપ્રેરક સંવાદ સાંભળી પ્રભવ ચોર સ્વયં પણ વૈરાગી બની ગયા. તેમણે પણ બૂસ્વામી સાથે દીક્ષા લીધી.
ચૌદ પૂર્વના જ્ઞાતા એવા તેઓએ વીરપ્રભુની ત્રીજી પાટ શોભાવી. તેમના પછી જૈનશાસનની ધુરા સોંપવા તેમણે શ્રમણ તથા શ્રમણોપાસક સંઘમાં નજર દોડાવી, કોઈ વિશિષ્ટ પાત્ર ન દેખાતાં તેઓશ્રીએ શયંભવ બ્રાહ્મણને કુશળતાપૂર્વક પ્રતિબોધી ચારિત્ર આપી શાસન નાયક બનાવ્યા હતા.
“ઘન્ય છે આવા ચોરને જેઓ જ્ઞાન-દર્શન-ચારિત્રરૂપી સાચા રત્નોને ચોરી આત્મકલ્યાણ સાધી શક્યા. તેમના ચરણે મસ્તક ઝુકાવી આપણે પણ આવા ત્રણ રત્નો માટે યત્ન
આદરીએ.” ૪૭. વિખુમારી - શ્રી વિષ્ણુકુમાર . મુનિસુવ્રતસ્વામીના વખતની આ વાત છે. પદ્મોત્તર રાજા અને જ્વાલાદેવીનો એક પુત્ર મહાપા ચક્રવર્તી થયેલો અને બીજા પુત્ર વિષ્ણુકુમારે દીક્ષા લીધી હતી. ઉગ્ર તપના પ્રભાવથી તેઓએ અપૂર્વ લબ્ધિઓ મેળવી હતી.
મહાપદ્મ ચક્રવર્તીને જૈનશાસનનો દ્વેષી એવો નમુચિ નામનો એક મંત્રી હતો. પૂર્વના અનામત રાખેલા વરદાનના બળે તેણે એક વખત રાજા પાસે ૭ દિવસનું રાજ્ય માંગ્યું અને તે દરમ્યાન તેણે શ્રી શ્રમણ સંઘને પખંડની હદ છોડી જવા હુકમ કર્યો.
આવી આપત્તિમાં મુનિઓને વિષ્ણુકુમાર યાદ આવ્યા, પણ તેઓ અષ્ટાપદ પર કાઉસ્સગ્ગ ધ્યાનમાં સ્થિર હતા. એક લબ્ધિવંત મુનિએ તેમની પાસે જઈ સંઘ પર
| SR No. | 005839 |
| Book Title | Sutra Samvedana Part 05 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2010 |
| Total Pages | 274 |
| Language | Gujarati |
| Classification | Book_Gujarati |
| File Size | 15 MB |