Page Text
________________
ભરોસર-બાહુબલી સજઝાય
૧૬૭
આરાધના કરી શકે તે માટે શયંભૂવસૂરિજીએ દશવૈકાલિકની રચના કરી. મનક મુનિ તેનું અધ્યયન કરી છ મહિનાનું ચારિત્ર પાળી દેવલોકમાં ગયા.
“હે બાળમુનિ ! દશવૈકાલિક જેવું મહાન આગમ આપના નિમિત્તે અમને મળ્યું. આજે આપને પ્રણામ કરી તે અમારા
જીવનમાં પણ ફળદાયી નિવડે એવી પ્રાર્થના કરીએ છીએ.” ૪૨. યિસૂરી - શ્રી કાલભાચાર્ય ઉત્સર્ગ-અપવાદને જાણનાર, સત્ત્વશાળી અને વિવેકપૂર્ણ પરાક્રમને વરેલા શ્રી કાલકાચાર્ય જૈન શાસનના અજોડ રક્ષક હતા. સાધ્વીજીના શીલ ખાતર તેમણે વેશપરિવર્તન કરી દુરાચારી રાજા સાથે યુદ્ધ કર્યું અને શીલ ધર્મની રક્ષા કરી.
આ પ્રસંગ ઉજ્જયિનીમાં બન્યો હતો. ત્યાંના ગદભિલ્લ રાજાએ કાલકાચાર્યની બહેન અત્યંત રૂપવતી સાધ્વી સરસ્વતીનું અપહરણ કરેલ. શીલધર્મની રક્ષા કરવા આચાર્ય સંઘને મોકલી તથા બીજી ઘણી રીતે રાજાને સમજાવવા પ્રયત્ન કર્યો; પરન્તુ દુરાચારી રાજા ન માન્યો. આવું ચલાવી લઈએ તો રાજ્યમાંથી શીલનું મહત્ત્વ લુપ્ત થઈ જશે એવું વિચારી સૂરિજીએ ૯૬ શક રાજાઓને પ્રતિબોધ પમાડી,ગર્દભિલ્લ પર ચડાઈ કરીને સાધ્વીજીને છોડાવ્યા.
“હે સૂરીશ્વર ! દેશમાં તો ધર્મની રક્ષા કરવાની અમારી ક્ષમતા નથી પણ અમારા જીવનમાં પણ અમે સત્ત્વ અને વિવેકપૂર્વક ઘર્મની રક્ષા કરી શકીએ એવી કૃપા કરજો.” જૈન ઇતિહાસમાં આ ઉપરાંત પાંચમની સંવત્સરીને ચોથમાં પ્રવર્તાવનારા, નિગોદનું આબેહુબ વર્ણન કરી ઇન્દ્રને પ્રસન્ન કરનાર અને સીમંધરસ્વામી દ્વારા વખાણાયેલા બીજા એક કાલકાચાર્ય પણ થયા છે. તદુપરાંત સાતમા દિવસે તારા મોઢામાં વિષ્ટા પડશે અને તું સાતમી નરકે જઈશ એવું દત્ત રાજાને કહેનારા ત્રીજા કાલભાચાર્ય પણ થયા છે.
૪૩-૪૪. સંવો-પનુvો - શ્રી શાંબકુમાર અને શ્રી પ્રદ્યુમ્નકુમાર.
અત્યંત પરાક્રમી અને બુદ્ધિશાળી આ બન્ને કુમારો શ્રીકૃષ્ણ રાજાના પુત્રો હતા. શાંબની માતા જંબૂવતી અને પ્રદ્યુમ્નની માતા રુક્ષ્મણી હતી. આ બન્ને ખૂબ તોફાની હતા. બાળપણમાં તેમણે અનેક લીલાઓ કરી હતી અને કૌમાર્યાવસ્થામાં વિવિધ પરાક્રમો કરેલાં.
| SR No. | 005839 |
| Book Title | Sutra Samvedana Part 05 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2010 |
| Total Pages | 274 |
| Language | Gujarati |
| Classification | Book_Gujarati |
| File Size | 15 MB |