Sutra Samvedana Part 05

SR No.: 005839
Original Sutra Author: N/A
Author: Prashamitashreeji
Publisher: Sanmarg Prakashan
Publication Year: 2010
Total Pages: 274
Language: Gujarati
Classification: Book_Gujarati
File Size: 15 MB

Page 170

૧૫૭
ભરહેસર-બાહુબલી સજ્ઝાય
આ સંયમના પ્રભાવે-તેઓ બીજા ભવે શિવકુમાર રાજકુંવર થયા. વિશુદ્ધ સંયમના દઢ સંસ્કાર પુનઃ જાગૃત થયા પણ સંયમ પ્રાપ્ત ન થયું. ભૂતકાળમાં બાર વર્ષ સુધી સંયમજીવનમાં પણ નાગીલાના ધ્યાનમાં રહેવાને કારણે બાંધેલું ચારિત્ર મોહનીયકર્મ ઉદયમાં આવેલું આમ છતાં તેઓ હારી ન ગયા. છટ્ટના પારણે આયંબિલ કરી નિર્દોષ જીવનચર્યાપૂર્વક વ્રતો ધારણ કર્યાં, ત્યાંથી મરીને અદ્ભુત કાંતિવાળા વિદ્યુમ્માળી દેવ થયા અને પરમાત્માની ભક્તિમાં તત્પર રહેવા લાગ્યા.
આ વિદ્યુન્માળી દેવ ચ્યવીને ઋષભદત્ત શેઠ અને ધારિણી શેઠાણીનો જંબૂ નામનો એકનો એક પુત્ર થયો. પૂર્વભવના સંયમના સંસ્કારો અને પોતાની કોઈ અદ્ભુત યોગ્યતાના પ્રભાવે જંબુસ્વામીને સોળ વર્ષની ઉંમરમાં સુધર્માસ્વામીની એક જ દેશના સાંભળી વૈરાગ્ય થયો. આમ છતાં માતા-પિતાના આગ્રહથી આઠ કન્યાઓ સાથે લગ્ન કર્યા.
વૈરાગ્ય વાસિત એવા શ્રીજંબુસ્વામીએ લગ્નની પ્રથમ રાત્રીએ પત્નીઓના લાગણીભર્યા સવાલોના તર્કબદ્ધ ઉત્તર આપી, કોડભરી કન્યાઓને પણ વૈરાગી બનાવી દીધી. એ વખતે પાંચસો ચોરો સાથે ચોરી કરવા આવેલો પ્રભવ નામનો ચોરોનો સ્વામી પણ પતિ-પત્નીનો આ વાર્તાલાપ સાંભળી તેના પ્રભાવથી વૈરાગી બની ગયો અને તેને પણ દીક્ષા લેવાના ભાવ જાગ્યા.
બીજા દિવસે જંબૂકુમા૨, ૮ પત્નીઓ, નવેના મા-બાપ, અને ૫૦૦ ચોરોની સાથે પ્રભવની સુધર્માસ્વામી પાસે ભવ્ય દીક્ષા થઈ. સુધર્માસ્વામીએ આગમોની ગૂંથણી શ્રી જંબૂસ્વામીને ઉદ્દેશીને કરી છે. કાળક્રમે શ્રી જંબૂસ્વામી મોક્ષે ગયા. તેમના મોક્ષગમનની સાથે ભરતક્ષેત્રમાંથી મન:પર્યવજ્ઞાન, કેવળજ્ઞાન, મોક્ષ, ક્ષપકશ્રેણી, ઉપશમશ્રેણી, આહા૨ક લબ્ધિ, પુલાકલબ્ધિ, તથા ત્રણ પ્રકારના ચારિત્રનો વિચ્છેદ થયો.
“આવા પવિત્ર પુરુષને પ્રણામ કરી તેમના જેવો વિવેક અને વૈરાગ્ય આપણા પોતાનામાં પણ પ્રગટે તેવી ભાવના ભાવીએ...”
રૂ. વં પૂજો - વંકચૂલ કુમાર
વંકચૂલ રાજપુત્ર હતો. નામ તો એનું પૂષ્પચૂલ હતું પણ વાંકાં કાર્યો કરવાના કારણે એનું નામ વંકચૂલ પડ્યું હતું. નાની ઉંમરમાં નબળી સોબતના કારણે તેનું જીવન દોષોનો ભંડાર બની ગયું. પિતાએ તેના દુષ્કૃત્યોથી