________________
લઘુ શાંતિ સ્તવ સૂત્ર
૧૧૭
જૈનશાસનની અનેકાંત દૃષ્ટિથી જો આ જ આત્માદિ પદાર્થોને જોવામાં આવે તો સર્વ મતોનો સમાવેશ જૈનદર્શનમાં થઈ જાય છે માટે જ ઉપાધ્યાયજી ભગવંતે કહ્યું છે કે, “સર્વ દર્શન તણું મૂળ તુજ શાસને.”
કદાગ્રહને બાજુ ઉપર મૂકી આ સિદ્ધાંતને વિચારવામાં આવે તો જૈનદર્શન ઉપર હૈયું ઓવારી ગયા વિના રહે નહીં. માધ્યચ્ય ભાવે સૂક્ષ્મ બુદ્ધિથી જૈનશાસનની અહિંસા, રાગાદિ નાશના ઉપાયો કે આત્મા આદિ અતીન્દ્રિય પદાર્થો વિષયક વાતોનું વિશ્લેષણ કરવામાં આવે તો વિચારક વ્યક્તિને જૈનશાસનની સર્વોપરિતા સ્પષ્ટ સમજાઈ જાય અને તે શાસન ઉપર તેને શ્રદ્ધા થયા વિના પણ રહે નહિ. આવી આવી અનેક વિશેષતાઓને કારણે જૈનદર્શન સર્વ ધર્મોમાં પ્રધાન છે.
નૈનં નતિ શાસનમ્ - જૈનશાસન જય પામે છે. જગતમાં તો આ શાસન સર્વત્ર વિસ્તાર પામો જ, પરંતુ આવું શાસન મારા હૃદયમાં પણ હંમેશા જય પામો.
આજ દિવસ સુધી મારા હૃદય સિંહાસન ઉપર મોહનો જ જય થયેલો છે. પણ હવે આ શાસન મને ઓળખાયું છે, તેની મહત્તા મને સમજાઈ છે માટે ઇચ્છું છું | કે હવે મોહ નહિ, પરંતુ આ શાસન જ મારા હૃદયમાં જયવંતુ વર્તો.”
આ ગાથા બોલતાં સાધક વિચારે છે. • - “મારું કેવું સદ્ભાગ્ય છે કે જન્મતા વૈત મને ચિંતામણિથી પષ્ટ ચઢિયાતું જૈનશાસન મળ્યું છે, માટે મારું મંગળ કરવા ક્યાંય જવું પડે તેવું નથી. અન્ય કોઈ મંગળને સાઘવાની મારે જરૂર નથી. માટે તો એક જ કાર્ય કરવાનું છે. આ શાસનને સમજું, તેમાં દર્શાવેલા તત્વોના તાગને પામું, તેને બતાવેલા યોગમાર્ગ ઉપર અડગ શ્રદ્ધા કેળવું અને તે માર્ગ ઉપર અપ્રમત્તતાથી ચાલું, પ્રભુ ! આ સર્વ હું કરી શકું તે માટેનું સામર્થ્ય પ્રદાન કરજો.”
