Page Text
________________
લઘુ શાંતિ સ્તવ સૂત્ર
૯૧
ગાથાર્થઃ
જૈન શાસનમાં અત્યંત તત્પર રહેનારાઓના અને શ્રી શાંતિનાથ ભગવાનને નમેલા લોકોના લક્ષ્મી, સમૃદ્ધિ, કીર્તિ અને યશ વધારનારા એવા છે જયાદેવી! તમે જગતમાં વિજય પામો. વિશેષાર્થઃ,
જિનશાસનનતાનાં શાન્તિનતાનાં ૪ નનતાના - જૈન શાસનમાં અત્યંત રક્ત અને શાંતિનાથ ભગવાનને નમેલા લોકોના
નિનશાસનનિરતાનાં - રાગ, દ્વેષ આદિ દોષોથી રહિત સર્વજ્ઞ-સર્વદર્શી જિનેશ્વરભગવંતે, જગતના જીવોના કલ્યાણ માટે, જે માર્ગ સ્થાપ્યો તેને જિનશાસન કહેવાય છે. આ શાસન જેને અતિ ઈષ્ટ છે અને તે કારણથી તદ્ અનુસાર જેઓ જીવન જીવી રહ્યા છે તેને જિનશાસનનિરત કહેવાય છે.
સામાન્યથી વિચારતાં જેઓએ પોતાનું સમગ્ર જીવન જિનશાસનને સમર્પિત કર્યું છે તેવા સંયમી આત્માઓ અથવા તો જેઓને જિનમત પ્રત્યે તીવ્ર રુચિ છે તેવા સમ્યગુષ્ટિ જીવો જિનશાસનમાં નિરત કહેવાય, પરંતુ આ બંનેનો સ્પષ્ટ ઉલ્લેખ આગળ આવી જ ગયો છે. તેથી હવે આ પદથી કોના સંબંધી વિચારણા કરવી ? તેવો પ્રશ્ન ઉઠે. વિચારતા એવું લાગે છે કે મિથ્યાત્વની મંદતાના કારણે જેમને જિનમત ઉપર રુચિ પ્રગટી છે. વળી, પોતાની સમજ અને શક્તિ અનુસાર જેઓ જિનમત પ્રમાણે જીવન જીવવા પ્રયત્ન કરે છે, તેવા અપુનબંધક કક્ષાના જીવો આ પદથી લેવા જોઈએ. આમ છતાં આ અંગે વિશેષજ્ઞો વિચારે. આવા જિનશાસનમાં નિરત જીવોનું પણ દેવી કલ્યાણ કરે છે.
શક્તિનતીન વ નનતાનામ્ - શાંતિનાથ ભગવાનને નમેલા એવા લોકો એટલે કે જેમને જિનમત પ્રત્યે કે મોક્ષમાર્ગ પ્રત્યે હજુ રુચિ નથી થઈ, પરંતુ શાંતિનાથ પ્રભુના અચિંત્ય પ્રભાવથી જેઓ અંજાઈ ગયા છે, પ્રભુની ભક્તિથી મળતા ભૌતિક ફળ જોઈને જેઓ પ્રભાવિત થયા છે અને તેને કારણે જ જેઓ શાંતિનાથ ભગવાનની વંદના, પૂજના, સ્તવના કે નમસ્કાર કરે છે તેવા મુગ્ધ જીવોને અહીં શાન્તિનાથ ભગવાનને નમેલી જનતાસ્વરૂપે ગ્રહણ કરવાના છે.
શાંતિનાથ ભગવાન પ્રત્યે દેવીની ભક્તિ અને શ્રદ્ધા એવી વિશિષ્ટ છે, કે 38. જગતમંગલકવચની રચનામાં સામાન્ય જનતાને સકલદેહ સમજીને રક્ષા માંગી છે.
| SR No. | 005839 |
| Book Title | Sutra Samvedana Part 05 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2010 |
| Total Pages | 274 |
| Language | Gujarati |
| Classification | Book_Gujarati |
| File Size | 15 MB |