________________
२०
सूत्रसंवहना-४
भूण सूत्र: वंदित्तु सव्वसिद्धे, धम्मायरिए अ सव्वसाहू अ । इच्छामि पडिक्कमिडं, सावग-धम्माइआरस्स ।।१।। जो मे वयाइआरो, नाणे तह दंसणे चरित्ते अ । सुहुमो अ (व) बायरो वा, तं निंदे तं च गरिहामि ।।२।। दुविहे परिग्गहम्मी, सावज्जे बहुविहे अ आरंभे । कारावणे अ करणे, पडिक्कमे देसि (राइअं) सव्वं ।।३।। जं बद्धमिदिएहिं, चउहिं कसाएहिं अप्पसत्थेहिं । रागेण व दोसेण व, तं निंदे तं च गरिहामि ।।४।। आगमणे निग्गमणे, ठाणे चंकमणे अणाभोगे। अभिओगे अ निओगे, पडिक्कमे देसिअं(राइअं) सव्वं ।।५।। संका कंख विगिच्छा, पसंस तह संथवो कुलिंगीसु । सम्मत्तस्सइआरे पडिक्कमे देसिअं(राइअं) सव्वं ।।६।। छक्काय-समारंभे, पयणे अ पयावणे अ जे दोसा । अत्तट्ठा य परट्ठा, उभयट्ठा चेव तं निंदे ।।७।। . पंचण्हमणुव्वयाणं, गुणव्वयाणं च तिण्हमइआरे । सिक्खाणं च चउण्हं, पडिक्कमे देसिअं(राइअं) सव्वं ।।८।। पढमे अणुव्वयम्मी, थूलग-पाणाइवाय-विरईओ । आयरियमप्पसत्थे, इत्थ पमायप्पसंगेणं ।।९।। वह-बंध-छविच्छेए, अइभारे भत्तपाण-वुच्छेए, पढम-वयस्सइआरे, पडिक्कमे देसिअं(राइअं) सव्वं ।।१०।। बीए अणुव्वयम्मी, परिथूलग-अलिअ-वयण-विरईओ ।। आयरियमप्पसत्थे, इत्थ पमायप्पसंगेणं ।।११।।
