________________
21
અર્થનું ભાવસભર લખાણ કરી આપો તો અમે એનું વારંવાર પઠન-મનન કરી શકીએ અને તેના આધારે અમારો પ્રયત્ન પણ કંઈક સફળ બની શકે.
કૃપાળુ ગુરુદેવે અમારી વિનંતીનો સ્વીકાર કરી લખાણ તૈયાર કરી આપ્યું. તેઓશ્રીએ જેટલી મહેનત કરી લખાણ કરી આપ્યું છે, તેટલી કે તેથી અધિક મહેનત જો ધર્મક્રિયામાં થાય તો યત્કિંચિત ઋણમુક્ત બની શકાય. આ સિવાય ઋણમુક્તિનો અન્ય ઉપાય જણાતો નથી.
પ્રત્યક્ષથી જેટલું મળ્યું છે, તેની સામે લખાણથી પ્રાપ્ત થતું જ્ઞાન જો કે ઘણું અલ્પ છે, તો પણ આ જ્ઞાન ઘણાને સન્ક્રિયામાં ઉપયોગી નીવડશે, તેમ વિચારીને જ મેં આ લખાણ પ્રકાશિત કરવાનો નિર્ણય લીધો છે. આ પ્રકાશનના માધ્યમે જે જ્ઞાન મને મળ્યું છે, તે જ્ઞાન અનેક તત્ત્વજિજ્ઞાસુઆત્મા સુધી પહોંચે અને તેઓ આનો વધુ લાભ ઉઠાવે તે જ અંતરની ઇચ્છા છે.
આપ સૌ સુધી આ લખાણને પુસ્તકાકારે પહોંચાડવા માટે અનેક પુણ્યાત્માઓએ જુદી જુદી રીતે મહેનત કરી છે.
પ. પૂ. ચંદનબાળાશ્રીજી મ. સાહેબે નાદુરસ્ત શરીરે પણ ઘણા સમયનો ભોગ આપીને પૂર રીડિંગનું સર્વ કાર્ય કરી આપ્યું છે. તબદલ તેમની હું ઋણી છું.
શ્રી પ્રવિણભાઈ, શ્રી મયંકભાઈ, શ્રી અશ્વિનભાઈ અને સાહેબજી પાસે ભણતાં અર્નક સાધ્વીજી ભગવંતો તથા બહેનોનો નોંધનીય ફાળો છે, તે સૌની પણ હું આભારી છું.
આ પુસ્તક વાંચી આપને જે અનુભવ થાય છે કે પુસ્તકમાં કોઈ પણ ક્ષતિ : હોય તો તે અને પુસ્તકને વધુ સુલભ બનાવવા માટે કોઈપણ સૂચન હોય તો તે કૃપા કરીને જણાવશોજી. તે ઉપરાંત આપને આગળના સૂત્રો કરવાની ભાવના હોય તો તે પણ જણાવશો. જેથી પુનઃ વિનંતી કરી વધુ સૂત્રાર્થનું જ્ઞાન આપણે સૌ મેળવી શકીએ.
“ઋધિકિરણ” ૧૨, પ્રકૃતિકુંજ સોસાયટી, શ્રેયસ સ્કુલ પાસે, અમદાવાદ-૩૮૦૦૧૫ ફોન ૭૭૨૦૯૨૦
A med, media-ac0014
deseada Bezvous et
- પ્રકાશક સરલાબેન કિરણભાઈ શાહ પોષ વદ-૧૦, વિ. સં. ૨૦૧૭
