Page Text
________________
133
વિવેચનાને રજૂ કરતાં પુસ્તકોની તથા સુશ્રાવક શ્રી પ્રવિણભાઈ મોતાની જરૂર પડે સહાય પણ લીધી છે. ઘણાં સ્થળે જ્યાં સીધા શાસ્ત્રવચનો ઉપલબ્ધ થયાં નથી ત્યાં સ્વ-ક્ષયોપશમ અનુસાર પણ અર્થ કરેલ છે. એવા સ્થળે ‘મને આમ લાગે છે' તેવો ઉલ્લેખ કર્યો છે.
‘સૂત્ર સંવેદના’નું વાંચન કરતાં સામાન્ય અર્થ તો પ્રાપ્ત થશે જ પરંતુ ઘણાં સ્થળે વિશેષ વિચારવાની અનેક દિશાઓ ખૂલશે. વળી, અનુપ્રેક્ષા કરતાં કરતાં અનેક શંકાના સમાધાન થશે. વળી, અનેક નવી જિજ્ઞાસાઓ પણ પ્રગટશે. કોઈક સ્થળે થોડું ઊંડાણ પણ જોવા મળશે પરંતુ વિશેષ અભ્યાસ માટે તો તે દિશાસુચન માત્ર જ રહેશે.
આ પુસ્તકમાં શબ્દાર્થ કરતાં મુખ્યતયા એ બતાવવામાં આવ્યું છે કે તે તે સૂત્ર બોલતા કયા ભાવોથી હૈયાનેભાવિત કરવું. કેમકે, આ લખાણનો મુખ્ય ઉદ્દેશ એ જ છે કે, સૂત્રાર્થને વાંચવા-ભણવા દ્વારા યોગ્યાત્માઓ તે તે સૂત્રનાં ભાવને હૈયામાં સ્થિર કરી, તે તે ભાવોથી આત્માને ભાવિત કરી ભાવપૂર્વકની ક્રિયા કરી શકે. તેથી પ્રત્યેક સૂત્ર કે પદોને બોલતાં કેવો ભાવ ઉલ્લસિત કરવો જોઈએ તે વસ્તુ ખાસ બતાવી છે. શબ્દ અને ભાષાની મર્યાદા હોવાથી હૈયાના ઘણા ભાવો લખાણમાં રજૂ કરી શકાયા નથી, છતાં શક્તિ પ્રમાણે પ્રયત્ન કર્યો છે.
આમાં પ્રગટ કરેલ સૂત્રના સર્વ ભાવોમાં શાસ્ત્રનો આધાર ચોક્કસ રાખવામાં આવ્યો છે. શક્ય સર્વ કાળજી રાખવા છતાં અજ્ઞાન, પ્રમાદ કે અભિવ્યક્તિની અણઆવડતના કારણે આમાં સૂત્રકારના આશય વિરુદ્ધ કે પરમાત્માની આજ્ઞા વિરુદ્ધ જે કાંઈ લખાયું હોય, તે માટે હું મિથ્યા દુષ્કૃત ચાહું છું અને ગુણગ્રાહીં બહુશ્રુતોને અંતરથી પ્રાર્થુ છું કે તેઓ મને મારી ક્ષતિઓ જણાવે. જેથી પુનઃ તેમાં સુધારો થઈ શકે !
હું જાણું છું કે ક્ષયોપશમભાવને કારણે સંપૂર્ણ ક્ષતિમુક્ત અને સર્વને સ્પર્શી શકે તેવું કથન થઈ શક્યું નથી, તો પણ દેવગુરૂની કૃપાથી સ્વ-પરિણતિની નિર્મળતા માટે કરાયેલો આ પ્રયાસ સર્વને આત્મલાભનું કારણ બને એ જ અંતરેચ્છા.
લિ. સા. પ્રશમિતાશ્રી
માગસર સુદ-૧૧, વિ. સં. ૨૦૫૭, હસ્તગિરિ મહાતીર્થ
| SR No. | 005835 |
| Book Title | Sutra Samvedana Part 01 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2008 |
| Total Pages | 244 |
| Language | Gujarati |
| Classification | Book_Gujarati |
| File Size | 13 MB |