________________
શ્રીપાક્ષિક સુત્ર
૧૧૭ राई भुंजते वि अन्ने न समणुजाणामि, जावज्जीवाए तिविहं तिविहेणं मणेणं वायाए कारणं न करेमि, न कारवेमि, करंतं पि अन्नं न समणुजाणामि, तस्स भंते ? पडिक्कमामि निंदामि गरिहामि अप्पाणं वोसिरामि । से राईभोअणे चउबिहे पन्नत्ते तं जहा-दव्यओ खित्तओ कालओ भावओ। दव्यओ णं राईभोअणे असणे वा पाणे वा खाइमे वा साइमे वा, खित्तओ णं राईभोअणे समयखित्ते, कालओ णं राईभोअणे दिआ वा राओ वा, भावओ णं राईभो अणे तित्ते वा कडुए वा कसाए वा अंबिले वा महुरे वा लवणे वा रागेण वा दोसेण वा । जं मए इमम्स धम्मस्स केवलिपन्नत्तस्स अहिंसालखणस्स सच्चाहिटिअस्स विणयमूलस्स खंतिप्पहाणस्स अहिरणसोवन्निअस्स उपसमपभवस्स नवबंभचेरगुत्तम्स अपयमाणस्स भिक्खावित्तिअस्स कुक्खीसंबलस्स निरग्गिसरणस्स संपक्वालिअस्स चत्तदोसस्स गुणग्गाहिअस्स निबिआरस्स निबित्तिलकखणस्म पंचमहव्ययजुत्तस्स असंनिहिसंचयस्स अविसंवाइअस्स संसारपारगामिअस्स निव्वाणगमणपज्जवसाणफलस्स पुचि अन्नाणयाए असवणयाए अबोहि(आ)ए अणभिगमेणं अभिगमेण वा पमाएणं रागदोस-पडिबद्वयाए बालयाए मोहयाए मंदयाए किड्डयाए तिगारवगरु(अ)याए चउक्कसाओवगएणं पंचिंदिओवसट्टेणं पडुप्पन्नभारिआए सायासुक्खमणु-पालयतेणं इहं वा भवे, अन्नेसु वा भवग्गहणेसु, राईभोअणं भुत्तं वा, मुंजाविअं वा, भुजंतं वा परेहिं समणुन्नायं, तं निंदामि गरिहामि तिविहं