________________
૬૪
( શ્રી લબ્ધિ પ્રતિક્રમણ સૂત્ર ચિંતતિકા પ્રભુ ફરમાવે. નીચ ગોત્ર કર્મ ખપાવે છે... ઉચ્ચ ગોત્ર કર્મ બાંધે છે. સૌભાગ્ય નામ કર્મ બાંધે છે... અપ્રતિહત ઐશ્વર્ય પ્રાપ્ત કરે છે. દાક્ષિણ્ય ભાવને ઉત્પન્ન કરે છે..
આપણે મહાત્માઓના શ્રીમુખે સાંભળ્યું છે. શ્રી કૃષ્ણ મહારાજાએ ૧૮,૦૦૦ સાધુને વંદના કરી નરકગતિનું નિવારણ કર્યું. ગુરુદેવ! ગુરુદેવ! હું પણ નમ્યો છું. ઝૂક્યો છું... પંચાંગ પ્રણામ કર્યા છે. પણ પરવશતાથી પશુ બની હંમેશા નીચે મુખે ચાલ્યો છું... દર્દના કારણે ક્યારેય સીધો ચાલ્યો નથી. ઝૂકીને જ ચાલ્યો.. સર્પ બની સાષ્ટાંગ જ પ્રણામ કર્યા છે. જમીન, ધૂળ, કાંકરા ઉપર મારી ચામડી ઘસાયા જ કરી છે. સ્વાર્થ સિધ્ધ કરવા અનેકને કાલાવાલા કર્યા. કાકલુદી કરી... નહિ કરવા યોગ્ય વ્યક્તિની દાઢીમાં હાથ નાંખ્યા. શુધ્ધ ગુજરાતીમાં સ્પષ્ટ કહી દઉં...
ગરજે તો ગધેડાને ય બાપ કહ્યો છે. પણ, પ્રભુ એ ફરમાવેલ વિંદન આવશ્યક કર્યું નથી... વંદનની વિધિ શીખ્યો નથી... વંદન ના સાચા ભાવ પેદા થયા નથી...| બધાને ઝૂકતા જોયા... નમતા જોયા... વંદન કરતા જોયા... મેં પણ માથું ઝૂકાવી દીધું...
ગુરુદેવ ! ગુરુદેવ! ત્રણ ખંડના માલિક શ્રી કૃષ્ણ વાસુદેવ... પ્રભુ નેમિનાથના બંધુ શ્રી કૃષ્ણ.. તેઓના હૃદયમાં કેવા શુભ ભાવ આવ્યા હશે કે વંદન વિધિ નરકનું નિવારણ કરી શકે ! મારૂં તો દિલ ખળભળી ઉઠે છે..
પ્રભુ! ક્રિયાતો હું સવારથી સાંજ સુધી કરું છું. પણ મારું વંદન કોને? પ્રભુ! ભોળિયો ભટ્ટાક છું. મારા મનમાં પાપ નથી. મારી
