________________
શ્રી લબ્ધિ પ્રતિક્રમણ સૂત્ર ચિંતતિકા
---
૩૧
યોગ્યતા દ્રવ્ય – ક્ષેત્ર- કાળ – ભાવ તથા સંધયણ જોઇ ગુરુ પ્રાયશ્ચિત્ત આપે. પાટણનું એક જ્ઞાનમંદિર એક પુણ્યાત્માને મળેલ પ્રાયશ્ચિત્તમાંથી થયેલ સર્જન છે.
પશ્ચાતાપ પૂર્વક થયેલ પ્રાયશ્ચિત્ત આત્માની શુધ્ધિ કરે છે
પાપ થઇ ગયા બાદ આત્માને અકળામણ મુંઝામણ ગભરામણ થાય એટલે અપરાધ પછી પશ્ચાતાપ થાય અને પશ્ચાતાપથી થયેલ પ્રાયશ્ચિત્ત આત્મશુધ્ધિનું સાધન બને.
પાપ અંગે મનમાં દુઃખ બળાપો ન હોય. કોઇ પ્રાયશ્ચિત્ત લેવાનું સૂચન કરે – એકવાર નહિ બેવાર નહિ અનેકવાર ત્યારે મનમાં ચંડ પ્રચંડ ગુસ્સાનો આવેગ આવે અને મહાત્મા ચંડકૌશિક બને. પોતે બળે સૌને બાળે – અપરાધી – નિરપરાધી સૌની હિંસા.
-
પ્રાયશ્ચિત્ત હૃદયની શુધ્ધિથી લેવાનું, ખુદના અપરાધનું લેવાનું, પ્રાયશ્ચિત્ત સરળતાથી લેવાનું, આપણા આત્માને પાપથી હલકો કરવા લેવાનું.
લક્ષ્મણા સાધ્વીજીએ પાપનું પ્રાયશ્ચિત્ત કર્યું. પણ સરળતા ન રાખી તો આત્મશુધ્ધિ ના થઈ.
પ્રભુ ! મારા દિનની શુધ્ધિ માટે – રાત્રિની શુધ્ધિ માટે પક્ષ માસ ૪ માસ ૧૨ માસ મારા ભવની શુધ્ધિ માટે મારા ભવોભવની શુધ્ધિ માટે અનંત અનંત જન્મના પાપની શુધ્ધિ માટે મારા આત્મગુણોની વૃધ્ધિ માટે આપને વિનંતી કરું છું. મને પ્રાયશ્ચિત્ત આપો. “સાહુ હુજ્જામિ તારિઓ’” “ઓહરિઅ ભરૂવ્વ ભારવ હો.” હું પ્રાયશ્ચિત કરી હલકો ફૂલ થઇ જાઉં...
