________________
-
૧૯
શ્રી લબ્ધિ પ્રતિક્રમણ સૂત્ર ચિંતતિકા - આપનો પુરુષાર્થ... આપની મહેનત..... આપનું આયોજન..... આપનું સંયોજન.... અને આપ કહો દેવગુરુ પસાય.
શા માટે તમારા વ્યક્તિત્વને ગૌણ કરો છો? આ મને જરા પણ સમજાતું નથી. મારા મગજમાં બંધ બેસતું નથી.
ભલા ભાઈ !
તારી વિચારણાની પધ્ધતિ અલગ છે. મારી વિચારણાની પધ્ધતિ અલગ છે. તું સ્વકેન્દ્રી છે. હું સર્વજ્ઞકેન્દ્રી છું. તું સિધ્ધિમાં ફક્ત તારા પુરુષાર્થને જમુખ્ય સ્થાન આપે છે. તેથી મારી વાત સમજતાં તને જરૂર વાર લાગશે. પણ મને શ્રધ્ધા છે. તું મારી વાત અવશ્ય સમજીશ.
સાધક ! મારા ગુરુવરની... મારા પ્રભુની કૃપાનું હું શું વર્ણન કરું? સમસ્ત શબ્દો વાપરું તો પણ તેઓની કૃપાનું હું વર્ણન ન કરી શકું.
મારા દેવ ! મારા ગુરુની મહેરબાની કૃપા પ્રસાદ - અનુગ્રહન હોત તો હું જીવનને જ ન સમજી શકત.. જીવન વગર સંયમજીવન ક્યાંથી મળે?
સંયમયાત્રા સફળતાના પંથે... સુકાની ગુરુવારના સહારે... મારા ગુરુએ મારી જીવનનૈયાના સઢ સંભાળ્યાછે. નહીંતર રાગદ્વેષના ઝંઝાવાતમાં અટવાઈ જાત... હું... હું નથી. મારું કોઈ અસ્તિત્વ નથી. વ્યક્તિત્વ નથી. હું તો મારા ગુરુદેવની કૃપા-પ્રસાદને વ્યક્ત કરતું એક ચેતનવંત આત્મા છું. તેથી ૩ કરોડ રોમરાજીમાંથી પ્રગટ થતો ? મારો અંતરનાદ છે... “દેવ ગુરુ પસાય.”
દેવ ગુરુના સામ્રાજ્યમાં વિજયી છું. વીતરાગી બનવાનો મારો મનોરથ સફળ થાવ એજ પુનઃ પુનઃ પ્રાર્થના...
* *****
