________________
૧૮
શ્રી લબ્ધિ પ્રતિક્રમણ સૂત્ર ચિંતતિકા
પણ કોઇપણ ક્રિયા જેનાથી કર્મો ના બંધાય, બંધાયેલ કર્મો ખરી જાય, જેનાથી આત્મગુણોની પુષ્ટિ થાય તે તપ.
સાધુની પ્રત્યેક ગતિ વિધિ તપ છે. તપ સુખપૂર્વક થયો એટલે શરીર રોગરહિત બને ! શરીર આધિથી દૂર છે. કારણ સાધુને માનસિક શાંતિ છે.
સાધુએ શિષ્ય – ભક્ત – જગત સૌને સહાયક રૂપે સ્વીકાર્યું છે. તેમને જગતની કોઇપણ પરિસ્થિતિ - વ્યક્તિ પીડા કરી શકતું નથી, મન નિરાબાધ છે. મન નિરાબાધ તો તન નિરાબાધ. તન-મન નિરાબાધ તો જીવનયાત્રા અને જીવનયાત્રા તેનું સંયમ – તેની સંયમયાત્રા. પ્રશ્નકારે ચાર પ્રશ્ન પૂછયા.
પણ મહાત્મા એક મીઠો – મધુરો સુંદર જવાબ આપે છે. દેવ-ગુરુ પસાય. આપની રાત્રિ સુખપૂર્વક પસાર થઇ..... “દેવગુરુ પસાય.” આપનો તપ સુખપૂર્વક પસાર થયો..... “દેવગુરુ પસાય.” આપનું શરીર નિરોગી રહ્યું..... “દેવગુરુ પસાય.” આપની સંયમયાત્રા સુખપૂર્વક ચાલી રહી છે. “ દેવગુરુ પસાય’ સાધુ ફક્ત દેવ-ગુરુ પસાય શબ્દ બોલતાં નથી. પણ જેમ સંપૂર્ણ ભોજન કરેલ હાશ – ઓડકાર ખાય છે. તેમ સાધુ કહે છે. તારા મૂળ ચાર પ્રશ્ન છે. પણ ચાર લાખ કે ચાર કરોડ પ્રશ્ન હશે. દિવસે - રાત્રે - જાગતાં – સૂતાં – સભા વચ્ચે – એકાંતમાં સર્વત્ર સર્વનો એક જવાબ છે. “દેવગુરુ પસાય.”
ભલા મહાનુભાવ ! તું કેમ હસે છે ? પ્રશ્ન તમને પૂછું. જીંદગી તમારી, પુરુષાર્થ તમારો, સિધ્ધિ તમારી, અને જવાબ દેવગુરુ પસાય. આ વાત મને સમજાતી નથી. આજે સાચું કહું ક્યારેય નહિં સમજાય. સ્પષ્ટ કહી દઉં છું મને ખોટું સાંભળવાની આદત નથી. મહેરબાની કરી મને ખોટું ના સમજાવો.
