________________
શ્રી લબ્ધિ પ્રતિક્રમણ સૂત્ર ચિંતતિકા
૧૮૭ મહામના મહાત્માના રૂદનનો પણ ઇતિહાસ છે. અને હાસ્યનો પણ ઇતિહાસ છે.
માતા મરૂદેવાના રૂદને તેમને કેવલજ્ઞાન પ્રાપ્તિનો માર્ગ આપ્યો. આચાર્ય શયંભવના બે આંસુ કર્તવ્ય પૂર્ણાહુતિના સૂચક બન્યા. તું યાદ રાખજે. અમારા પરમાત્મા મહાવીરની આંખમાં પણ બે આંસુના બુંદ આવી ગયા હતા. બે આંસુ કરૂણા સમુદ્રમાંથી સર્યા હતા. સુભદ્રાના બે આંસુએ ધન્નાજીને ચારિત્ર માર્ગે અગ્રસર કર્યા.
હાસ્યનો પણ ઇતિહાસ છે. બાલમુનિને કાજો લેતાં અવધિજ્ઞાન થાય. ઇન્દ્રની આનંદની પ્રક્રિયા જોઈ હસવું આવે મજાક સુઝે તો અવધિજ્ઞાન ચાલ્યું જાય.
નંદિષેણ મુનિની; વેશ્યા મજાક કરે દસમાં તમે, અને બાર વર્ષના ભોગાવલીના બંધન તૂટે અને સંયમ માર્ગે પુનઃ સંચરે.
આદ્રકુમારના પગે કાચા સુતરના તાંતણા બંધાય અને મુનિવરનો આત્મા કર્મબંધનના મહાબંધન તોડવા ઉજમાળ બને.
ભલા સાધક ! આપણે ખૂબ રડ્યા અને ખૂબ હસ્યા. પણ ક્યારેય ગુણ પ્રાપ્તિ માટે રડ્યાં નથી. હસ્યા નથી. સગુણ અંગે વલોપાત થયો નથી. સ્વભાવમાં ગંભીરતા નથી, સહનશીલતા નથી, સ્વભાવમાં તુચ્છતા અને આક્રમક વૃત્તિ છે.
લઘુશાંતિ અને બૃહદ્રશાંતિના ચરમ મંગલમાં ફરમાવ્યું છે. મનઃ પ્રસન્નતામતિ પૂજ્યમાને જિનેશ્વરે...... - જિનેશ્વર પ્રભુ જયાં પૂજાય ત્યાં મનની પ્રસન્નતા પ્રાપ્ત થાય છે. પ્રસન્નતા આત્મિક સદ્દગુણ છે. જિનેશ્વર પ્રભુની પૂજા વગર
