________________
૧૮૬
શ્રી લબ્ધિ પ્રતિક્રમણ સૂત્ર ચિંતતિકા પ્રાપ્તિમાં ખુશી, અલ્પ અપ્રાપ્તિમાં નાખુશી.
મહામાનવો - મહાત્માઓ આપત્તિ આવે ... વિપત્તિ આવે... કષ્ટ આવે... ભયંકર મુસીબત આવે પણ અકળાતા નથી કે મુંઝાતા નથી. પ્રત્યેક પરિસ્થિતિમાંથી સમાધાન શોધી સમાધાનના માર્ગે આગળ વધે છે. - જિનશાસનમાં તો રૂદનમાંય પાપ અને હાસ્યમાંય પાપ.... . જીવવાનું કેવી રીતે? જીવનને કલાત્મક બનાવવું એ જ જિનશાસનનેં સાર છે.
માનવ.... સબૂર કર... પહેલા જવાબ આપ તું કેમ રડે છે? તું કેમ હસે છે? ઓ મારા મોટા ભાઈ આ કંઈ પૂછવા જેવો સવાલ છે?
તમે તો કમાલ કરો છો કેવું પૂછો છો કેમ હસે છે?, કેમ રડે છે? અરે ! જીવતો છું. એટલે હસું છું અને રડ છું. મરી જઇશ તો હસીશ નહિ, રડીશ નહિ.
ઓ ભોળા આત્મા! હું તને પ્રશ્ન પુછું અને આમ અકળાઈ ન જા, તને ભૌતિક પ્રાપ્તિમાં આનંદ અને ભૌતિક અપ્રાપ્તિમાં જ દુઃખ છે. ભૌતિક સાધનની પ્રાપ્તિ તને હસાવે છે અને ભૌતિક સાધનની અપ્રાપ્તિ તને દુઃખી કરાવે છે.
ભૌતિક ઉપલબ્ધિમાં વ્યક્તિ માત્રમાં ફરક રહેવાનો. તે માંગ્યું... ચાહ્યું ત્યારે મળવું જોઈએ તો જ ખુશી. માગ્યું........ ચાહ્યું... ઝખ્યું ત્યારે ન મળ્યું તો દુઃખ રૂદન.
તને ઘડીમાં સુખ અને ઘડીમાં દુઃખ થવાનું એટલે તારા હાસ્યરૂદન દિન રાતની જેમ અવિરત ચાલ્યા કરવાના.
