________________
શ્રી લબ્ધિ પ્રતિક્રમણ સૂત્ર ચિંતતિા
૧૮૨
આશીર્વાદ સફળ થાય.
પ્રભુ ! મારા મનની અવળચંડાઈ અયોગ્યતા કહ્યું. હું તો મારા ગુરુને કહ્યું તમે જેવા આશીર્વાદ આપ્યા તેવો હું થયો. આપે આશીર્વાદમાં કંજૂસાઇ કરી તો મારો વિકાસ ના થયો. આપે આશીર્વાદમાં પક્ષપાત કર્યો એટલું હું પાછળ રહી ગયો. પણ મેં ક્યારેય વિચાર કર્યો નથી. મારી યોગ્યતા વિકસિત કરૂં ? પાત્રતા વિકસિત કરૂં ?...
દુનિયામાં દરેક સાથે ચડસા ચડસી હુંસા તુંસી કરૂં છું. આ યુદ્ધ મારા તા૨ક ગુરુવર સાથે પણ કરૂં છું. હજી એક ગુપ્ત વાત કહી દઉં મને કંઈ પ્રાપ્તિ થઈ. સિદ્ધિમળી. ત્યારે થયું મારી પ્રગતિમાં સૌનો સહકાર કેટલો ? કોઈએ માર્ગદર્શન કર્યું. પણ પુરુષાર્થતો મારો જ ને ત્યારે ગુરુને ભૂલી જાઉં છું. સહકારીને, સહભાગીને ભૂલી જાઉં છું..... "સંજમે નંદિ" સંયમ એકલા લેવાય નહિ. એકલા પળાય નહિં. સંયમ ગુરુની કૃપાએ મળે. સંયમનું પાલન સમુદાયના સહકારે થાય. સંયમની વૃદ્ધિ, સંયમની શુદ્ધિ ગુરુના સહકારે થાય.
પ્રભુ ! અભિમાનમાં અંધ બની ક્યારેક મોફાંટ બોલું છું અને કહી દઉં છું. મને કોઈનીય જરૂર નથી. વિચારૂં છું. ત્યારે ખબર પડે છે. આ શબ્દો તો બોલી લીધા પણ સંયમીની અવજ્ઞા – આશાતના કરવા દ્વારા મેં ભયંકર મોહનીય કર્મ બાધ્યું.
ઓ મોક્ષગામી મહાત્મા ? શાસ્ત્રમાં ત્રીસ મોહનીય કર્મ બંધ સ્થાનકમાં જે સ્થાનો કહ્યાં છે તેનો વિચાર કરજે. કઈ પ્રવૃત્તિ કરવાથી સીત્તેર કોડાકોડી સાગરોપમ પ્રમાણ મોહનીય કર્મનો બંધ થાય છે.
