________________
૧૫૬
શ્રી લબ્ધિ પ્રતિક્રમણ સૂત્ર ચિંતતિકા શિરછત્ર જોઈએ. અને શિરછત્રની આજ્ઞા શિરસાવંઘ કરવી જોઈએ.
ગુરુદેવ! અમે કલિકાલના જીવ છીએ. માથા ઉપર શિર છત્ર જોઈએ પણ અમને શિરછત્ર અમારી ઇચ્છા મુજબનું જોઈએ - અમે આજ્ઞા માનીએ પણ અમારા સ્વાર્થની પૂર્તિ અમારી ઇચ્છાપૂર્તિ થાય તેવી.
- જિનેશ્વરની આજ્ઞા સ્વીકારવા મિથ્યાત્વ મોહનીયનો ક્ષય થવો જોઇએ. સમ્યકત્વ મોહનીયનો ક્ષય થાય તો સર્વોત્તમ વાત છે. પણ સમ્યકત્વ મોહનીયનો ક્ષયોપશમ તો અવશ્ય જોઇએ. અનંતાનુબધી ચાર કષાયનો ક્ષય કે ક્ષયોપશમ જોઈએ: નમ્રતા અને હૃદયની શુદ્ધિ વગર દેવાધિદેવ વીતરાગ પરમાત્માની આજ્ઞા શિરસાવંઘ થતી નથી.
કોઈપણ સદ્ગુણ પ્રયત્નથી સિદ્ધ થાય છે. કોઈપણ સિદ્ધિ લબ્ધિ પુણ્યથી પ્રાપ્ત થાય છે.
મીલેટરીમાં પ્રવેશ કરવો છે – ઓર્ડરનું પાલન કરવું નથી તો ચાલે જ નહિ. મીલેટરીમાં તો એક જ સૂત્ર તમારા લાખો કરોડો પ્રશ્ન બાજુ પર મૂકો. ઓબે ટુ ઓર્ડર તો તમને પ્રવેશ નહીંતર સીધાવો. જે વ્યક્તિએ દેશના સંરક્ષણની જવાબદારી સ્વીકારવી છે. તે પોતાના નાયકની વાત માને નહિ તો કેમ ચાલે? લાખો – કરોડો વ્યક્તિના રક્ષણની વાત હોય ત્યાં ખુદની ઇચ્છા - ખુદના યૂહ - ખુદનું પ્લાનિંગ ન ચાલે – પ્રશ્નને પૂર્ણ વિરામ કરી દો તો જ મીલીટરીમાં પ્રવેશ.
શ્રાવક જીવન - સાધુ જીવનની પહેલી વાત - પહેલી શીખ - જિનેશ્વરની આજ્ઞા માન્ય કર.....
