________________
30
શિવં સદા સર્વ સાધૂનામ્
સર્વ સાધુઓને હંમેશા શિવં (આપો)
સ્વાર્થ માટે માંગણી કરનાર ઘણા; પણ પરમાર્થ માટે માંગણી કરનાર બહુ ઓછા.
સ્વકાજે પ્રાર્થના એ પ્રાકૃત પુરુષનો ક્રમ છે. સર્વકાજે પ્રાર્થના એ મહાજનોનો ક્રમ છે. સાધુકાજે પ્રાર્થના એ ઉત્તમપુરુષનો ક્રમ છે.
ઉત્તમ પુરુષ ક્યારેય ક્યાંય કોઈ પણ ચીજ પોતાના માટે માંગતા નથી – ચાહતા નથી. ઇચ્છતા નથી – વિશ્વકાજે વિશ્વમંગલ ઇચ્છતા સાધુ મહાત્મા માટે પ્રાર્થના કરે છે.
"શિવં સદા સર્વ સાધૂનામ" આ પદ બોલતાં દિલ વર્ણનાતીત આનંદ અનુભવે છે. - પ્રભુ ! વીતરાગ તારું શાસન મળ્યું તો સાધુના શિવની હંમેશા શુભ ભાવના સહ આવશ્યક ક્રિયા મળી. પ્રભુ, વીતરાગ તમે ન મળ્યા હોત તો પરમાર્થની ભાવના જાગૃત ક્યાંથી થાત?
સાધુ એટલે સીધા – સાદા, નહિ દેખાવ - નહિ આડંબર નહિ જગતને ખુશ કરવાની ભાવના, નહિ જગતને દુઃખી કરવાની ભાવના, સાધુ જીવ માત્ર પ્રત્યે કરૂણાના મહાસાગર, કદાચ સમુદ્રના જળનું પરિમાણ થાય પણ સાધુના હૃદયની કરુણાનું પરિમાણ ન થઈ
