________________
દશવૈકાલિકસૂત્રની સત્તર ગાથાઓ धन्मो मंगलमुक्किटुं, अहिंसा संजमो तवो । देवा वि तं नमसंति, जस्स धम्मे सवा मणो ॥१॥ जहा दुमस्स पुप्फेसु, भमरी आवियइ रसं । ण य पुप्फ किलामेइ, सो अ पीणइ अप्पयं ॥२॥ एमेए समणा मुत्ता, जे लोए संति साहुणो । विहंगमाव पुप्फेसु, दाणभत्तेसणे रया ॥३॥ वयं च वितिं लब्भामो, न य कोइ उवहम्मई । अहागडेसु रीयंते, पुप्फेसु भमरा जहा ॥| महुगारसमा बुद्धा, जे भवंति अणिस्सिआ । नाणापिंडरया दंता, तेण वुच्चंति साहुणो 'त्ति बेमि' ॥५॥ कहं नु कुज्जा सामण्णं, जो कामे न निवारए । पए पए विसीअंतो, संकप्पस्स वसं गओ ॥६॥ वत्थ-गंधमलंकारं, इत्थीओ सयणाणि अ (य)। अच्छंदा जे न भुजति, न से चाइत्ति वुच्चइ ॥७॥ जे अ कंते पिए भोए, लद्धे विपिट्टि कुवई ।
साहीणे चयई भोए, से हु चाइ त्ति वुच्चई ॥८॥ समाइ पेहाइ परिव्ययंतो, सिआ मणो निस्सरई बहिद्धा । न सा महं नोवि अहंपि तीसे, इञ्चेव ताओ विणइज्ज रागं ॥९॥ आयावयाही चय सोगमल्लं, कामे कमाही कमि खु दुक्खं । छिंदाहि दोसं विणइज रागं, एवं सुही होहिसि संपराए॥१०॥
पक्खंदे जलिअं जोइं, धूमकेउं दुरासयं । नेच्छंति वंतयं भोत्तं, कुले जाया अगंधणे ॥११॥
