________________
દેવદ્રવ્ય અને જિનપૂજા
૨૯
પ્રશ્ન : પણ અનેક શાસ્ત્રપાઠો અને તદનુસાર તર્કોના બળે જો તમે આ પુસ્તિકામાં દેવદ્રવ્યથી પણ પ્રભુપૂજા થઈ શકે છે એમ સિદ્ધ કરો છો. એટલે એ વાંચીને કેટલાક શ્રાવકો તો સ્વદ્રવ્યથી પૂજા કરવાનું બંધ પણ કરી દે એવું શું સંભવિત નથી ? અને એટલે જ દેવદ્રવ્યથી પણ પ્રભુભક્તિ થઈ શકે છે' એ વાત શાસ્ત્રસિદ્ધ હોવા છતાં શ્રાવકો સમક્ષ મૂકવી ન જોઈએ... એ ઉચિત નથી લાગતું ?
ઉત્તર : પ્રભુભક્તિ સ્વદ્રવ્યથી કરવાની છોડી દેવી અને દેવદ્રવ્યથી કરવી એવું આ પુસ્તિકાનું તાત્પર્ય નથી એ કોઈ પણ સુજ્ઞજનને પ્રતીત થયા વિના નહીં રહે. છતાં, કોઈ આનો અર્થ આવો કરે તો એ એની મૂઢતા છે.
માનવભવમાં મહાવ્રતો સ્વીકારી શ્રેષ્ઠ આરાધના કરવી જ જોઈએ.. એવી શક્તિ ન હોય અથવા એટલો ભાવોલ્લાસ ન હોય તો, અણુવ્રતાદિ સ્વીકારી દેશવિરતિની આરાધના કરવી જ જોઈએ... એ પણ ન બને તો સમ્યક્ત્વની આરાધના કરવી જ જોઈએ... એ પણ શક્ય ન બને તો છેવટે માર્ગાનુસારિતાની આરાધના પણ કરવી જ જોઈએ... પણ આરાધના તો કરવી : જ... આરાધનાથી વંચિત ન રહેવું...
આવી શાસ્ત્રસિદ્ધ વાતો પરથી, કોઈ સાધુ મહારાજ, શ્રાવકપણું વગેરે પણ આરાધના જ છે ને, ને શાસ્ત્રમાં દર્શાવેલી જ છે ને, તો આપણે સાધુપણાના કષ્ટો ઊઠાવવાની શી જરૂર છે ? એમ વિચારી સાધુપણું છોડવા તૈયાર થઈ જાય.... કે કોઈ દીક્ષા લેવાની ભાવનાવાળો થયેલો મુમુક્ષુ દીક્ષાનો વિચાર માંડવાળ કરે તો એ બિલકુલ અનુચિત છે.... આ શું સમજાવવું પડે એમ છે ?
