________________
૩૦
દેવદ્રવ્ય અને જિનપૂજા " એમ, છેવટે દેવદ્રવ્યથી તો દેવદ્રવ્યથી, પણ ભક્તિ તો કરવી જ જોઈએ. એવી શાસ્ત્રસિદ્ધ વાતને જાણી કોઈ સ્વદ્રવ્યથી ભક્તિ કરવાનું છોડી દે એ બિલકુલ અનુચિત છે જ એ શું સમજાવવું પડે એમ છે ?
- આ તો, “મહાવ્રતો લો તો જ આરાધના, અણુવ્રત વગેરે આરાધનારૂપ છે જ નહીં... ભયંકર વિરાધના રૂપ જ છે..” વગેરે વાતોનો જોરશોરથી પ્રચાર થતો હોય તો, “અણુવ્રત વગેરે પણ આરાધના રૂપ છે જ, વિરાધના રૂપ નથી.” એવું શાસ્ત્રપાઠોના આધારે તર્કો દ્વારા સિદ્ધ કરવું જેમ આવશ્યક બની જાય એમ “પદ્રવ્યથી કે દેવદ્રવ્યથી થતી પૂજા જિનાજ્ઞાભંગ-વિરાધનારૂપ જ છે, આરાધનારૂપ નથી...” વગેરે જોરશોરથી પ્રચાર થાય છે. તો, “પદ્રવ્યથી કે દેવદ્રવ્યથી પણ થતી પૂજા વિરાધનારૂપ નથીપણ હિતકર છે.” એવી શાસ્ત્રસિદ્ધ તર્કસંગત વાતને રજુ કરવી શું આવશ્યક ન બને ?
પરમ પવિત્ર શ્રી જિનાજ્ઞાવિરુદ્ધ કાંઈ પણ પ્રસ્તુત થયું હોય તો તેનું મિચ્છામિ દુક્કડમ્...ગીતાર્થ મહાત્માઓને એની શુદ્ધિ કરવા વિનમ્ર વિનંતી..
શુભ ભવતુ શ્રીશ્રમણ સંઘસ્ય.............