________________
મહામંત્રના પ્રભાવે પ.પૂ.મુનિરાજ શ્રીમિત્રાનંદવિજયજી મહારાજ
વિદ્યાધરશ્રેણિના માલિક રત્નશિખે સાકેતપુરનગરમાં શ્રીસુયશ જિનેશ્વર ભગવંતની અમૃતસમી ધર્મદેશના સાંભળ્યા પછી કહ્યું :
भयवं ! केरिसं पुण पुरा पुण्णमुवज्जियं मए जस्सफलं संपयमणुहवामि ?
હે ભગવંત ! પૂર્વે મેં કેવું પુણ્ય ઉપાર્યું છે કે જેના ફળરૂપે મળેલી આ વિદ્યાધરની વિપુલ સંપત્તિ હું ભોગવું છું ?
ભાવયા મળિયું—ભગવંતે કહ્યું :
पंचनमुक्कारसरणनिचछयमाहप्पमिणं
પંચનમસ્કાર શ્રીનવકારમહામંત્રના સ્મરણનું નિશ્ચયથી આ માહાત્મ્ય છે. અર્થાત્ તેં પૂર્વે મહાદરિદ્ર અવસ્થામાં મુનિવરોના ઉપદેશથી ત્રણ સંધ્યાએ કરેલા શ્રીનવકારના જાપનું આ નિશ્ચિત ફળ છે. વળી આ શ્રીનવકાર કેવો છે તે સાંભળ :
भद्दयभावो भव्वो, एत्तो पावेइ सुद्धसम्मत्तं ।
सम्मट्ठी विरई, विरओ सिवसंपयंपरमं ॥ १ ॥ .
•
શ્રીનવકાર મંત્રના પ્રભાવે–મિથ્યાદષ્ટિ જીવ સુંદર એવા ભદ્રકભાવને, ભદ્રક ભાવવાળો શુદ્ધ-નિર્મળ સમ્યક્ત્વને, સમ્યગ્દષ્ટિ આત્મા વિરતિભાવરૂપ ધર્મરત્નને અને વિરતિધર શીઘ્રપણે મોક્ષની અનંતસંપત્તિને પ્રાપ્ત કરે છે. (૧)
जं पुण सुहसोहग्गं, रूवं लच्छी पहत्तदेवत्तं ।
एवं लाल कप्पं, पसंगपत्तं अणप्पं पि ॥२॥
મુખ્યફળની સાથે શ્રીનવકા૨નું આનુષંગિક ફળ–સુંખ, સૌભાગ્ય, રૂપ, લક્ષ્મી, પ્રભુત્વ અને દેવત્વ પ્રાપ્ત થાય છે. ધાન્યની સાથે ઘાસની પ્રાપ્તિતુલ્ય આ આનુષંગિક ફળ વિપુલ અને સર્વશ્રેષ્ઠ હોય છે. (૨)
इय सव्वगुणट्ठाणगकारणमेसो महापभावोय । इहपरभव सुहजणओ पहाणमंतो नमोक्कारो ॥३॥
આ પ્રધાનમંત્ર શ્રીનવકાર ક્રમશઃ સર્વગુણસ્થાનકોની પ્રાપ્તિ કારણ છે, - મહાપ્રભાવવાળો છે અને આલોક-પરલોકના સુખોને ઉત્પન્ન કરનારો છે. (૩) .
૩૯૮ ૦ ધર્મ-ચિંતન
