Page Text
________________
श्री स्थानाङ्ग सूत्र सानुवाद भाग २ ८ स्थानकाध्ययने जम्बूगुहावक्षारनगरी अर्हदादिदीर्घवैताढ्यचूलिकादिग्हस्तिकूटकल्पादि ६३५ -६४४ सूत्राणि जंबूमंदिरपुरत्थिमेणं सीताते महानईए उत्तरेणं अट्ठ दीहवेयड्डा, अट्ठ तिमिसगुहाओ, अट्ठ खंडगप्पवातगुहाओ,. अट्ठ कतमालगा देवा, अट्ठ णट्टमालगा देवा, अट्ठ गंगाकुंडा, अट्ठ सिंधुकुंडा, अट्ठ गंगातो, अट्ठ सिंधूओ, अट्ठ उसभकूडा पव्वता, अट्ठ उसभकूडा देवा पन्नत्ता १५ । जंबूमंदरपुरत्थिमेणं सीताते महाणतीते दाहिणेणं अट्ठ दीहवेअड्डा एवं चेव जाव अट्ठ उसभकूडा देवा पन्नत्ता, नवरमेत्थ रत्ता-रत्तावतीतो तासिं चेत्र कुंडा १६ । जंबूमंदरपच्चत्थिमेणं सीतोताए महानतीते दाहिणेणं अट्ठ दीहवेयड्डा जाव अट्ठ नट्ठमालगा देवा, अट्ठ गंगाकुंडा, अट्ट सिंधुकुंडा, अट्ठ गंगातो, अट्ठ सिंधूओ, अट्ठ उसभकूडापव्वता अट्ठ उसभकूडा देवा पन्नत्ता १७ । जंबूमंदरपचत्थिमेणं सीतोदाए महानतीते उत्तरेणं अट्ठ दीहवेयड्डा जाव अट्ठ नट्टमालगा देवा, अट्ठ रत्ताकुंडा, अ रत्तावतिकुंडा, अट्ठ रत्ताओ, जाव अट्ठ उसभकूडा देवा पन्नत्ता १८ ।। सू० ६३९ ।। मंदरचूलिया णं बहुमज्झदेस भाते अट्ठ जोयणाई विक्खंभेणं पन्नत्ता १९ ।। सू० ६४०।।
धायइसंडदीवपुरत्थिमद्धे णं धायतिरुक्खे अट्ठ जोयणाई उड्डुं उच्चत्तेणं बहुमज्झदेसभाए, अट्ठ जोयणाई विक्खंभेणं, साइरेगाई अट्ठ जोयणाई सव्वग्गेणं पन्नत्ते । एवं धायइरुक्खातो आढवेत्ता सच्चेव जंबूद्दीववत्तव्वता.. भाणियव्वा जाव मंदरचूलिय ति । एवं पच्चत्थिमद्धे वि महाधाततिरुक्खातो आढवेत्ता जाव मंदरचूलिय ति। एवं पुक्खरवरदीवड्डपुरत्थिमद्धे वि पउमरुक्खाओ आढवेत्ता जाव मंदरचूलिय त्ति एवं पुक्खरवरदीवपच्चत्थिमद्धे वि महापउमरुक्खातो जाव मंदरचूलित त्ति ।। सू० ६४१ ।।
जंबूदीवे दीवे मंदरे पव्वते भद्दसालवणे अट्ठ दिसाहत्थिकूडा पन्नत्ता, तंजहा
पउमुत्तरे नीलवंते सुहत्थि अंजणागिरी । कुमुदे य पलासे य वडेंसे रोयणागिरी ॥ १ ॥ १
जंबूदीवस्स णं दीवस्स जगती अट्ठ जोयणाई उड्डउच्चत्तेणं बहुमज्झदेस भाते, अट्ठ जोयणाई विक्खंभेणं [पन्नत्ता] २ ।। सू० ६४२ ।।
जंबूदीवे दीवे मंदरस्स पव्वयस्स दाहिणेणं महाहिमवंते वासधरपव्वते अट्ठ कूडा पन्नत्ता, , तंजहा
सिद्ध महाहिमवंते हेमवते रोहिता हीरकूडे । हरिकंता हरिवासे वेरुलिते चेव कूडा उ ॥१॥ ३,
जंबूमंदरउत्तरेणं रुप्पिमि वासहरपव्वते अट्ठ कूडा पन्नत्ता, तंजहा
सिद्धेरुप्पी रम्म नरकंता बुद्धि रुप्पकूडे या । हेरण्णवते मणिकंचणे त रुप्पिंमि कूडा उ ॥१॥ ४, जंबूमंदरपुरत्थिमेणं रुयगवरे पव्वते अट्ठ कूडा पन्नत्ता, तंजा
रिट्ठ तवणिज्ज कंचण, रयत दिसासोत्थिते पलंबे य । अंजणे अंजणपुलते, रुयगस्स पुरत्थिमे कूडा ॥१॥ १, तत्थणं अट्ठ दिसाकुमारिमहत्तरितातो महिड्डियातो जाव पलिओवमट्टितीतातो परिवसंति तंजहा
दुत्तरा य नंदा, आणंदा गंदिवद्धणा । विजया य वेजयंती, जयंती अपराजिया ||१|| २,
जंबूमंदरदाहिणेणं रुतगवरे पव्वते अट्ठ कूडा पन्नत्ता, तंजहा
कणते कंचणे पउमे, नलिणे ससि दिवागरे । वेसमणे वेरुलिते, रुयगस्स उ दाहिणे कूडा ||१|| ३, तत्थ णं अट्ठ दिसाकुमारिमहत्तरियातो महिड्डियातो जाव पलिओवमद्वितीतातो परिवसंति तंजहासमाहारा सुप्पतिष्णा, सुप्पबुद्धा जसोहरा । लच्छीवती सेसवती, चित्तगुत्ता वसुंधरा ॥१॥ ४, जंबूमंदरपच्चत्थिमेणं रुयगवरे पव्वते अट्ठ कूडा पन्नत्ता, तंजहा
246
| SR No. | 005768 |
| Book Title | Sthanang Sutra Part 02 |
| Original Sutra Author | N/A |
| Author | Jayanandvijay |
| Publisher | Guru Ramchandra Prakashan Samiti |
| Publication Year | |
| Total Pages | 484 |
| Language | Gujarati |
| Classification | Book_Gujarati & agam_sthanang |
| File Size | 12 MB |