Page Text
________________
७ स्थानकाध्ययने बीजयोन्यादि आनन्दीश्वराद्दद्वीपसमुद्राः श्रेण्यः अनीकाधिपाः देवानां कच्छाः ५७२-५८३ सूत्राणि
श्री स्थानाङ्ग सूत्र सानुवाद भाग २ अध भंते! अदसि-कुसुंभ-कोद्दव- कंगु-रालग वरा- कोदूसग सण-सरिसव-मूलगबीयाणं एतेसि णं धन्नाणं कोद्वाउत्ताणं पल्लाउत्ताणं जाव पिहिताणं केवतितं कालं जोणी संचिट्ठति ? गोयमा ! जहण्णेणं अंतोमुहुत्तं उक्कोसेणं सत्त संवच्छराई, तेण परं जोणी पमिलायति जाव जोणीवोच्छेदे पण्णत्ते १ ।। सू० ५७२ ।। बायरआउकाइयाणं उक्कोसेणं सत्त वाससहस्साइं ठिती पन्नत्ता २ । तच्चाए णं वालुयप्पभाते पुढवीते उक्कोसेणं नेरइयाणं सत्त सागरोवमाई ठिती पण्णत्ता ३ । चउत्थीते णं पंकप्पभाते पुढवीते जहन्त्रेणं नेरइयाणं सत्त सागरोवमाई ठिती पन्नत्ता ४ ।। सू० ५७३ ।।
सक्कस्स णं देविंदस्स देवरन्नो वरुणस्स महारनो सत्त अग्गमहिसीतो पत्रत्ताओ। ईसाणस्स णं देविंदस्स देवरन्नो सोमस्स महारन्नो सत्त अग्गमहिसीतो पन्नत्ताओ। ईसाणस्स णं देविंदस्स देवरन्नो जमस्स महारनो सत्त अग्गमहिसीओ पन्नत्ताओ || सू० ५७४ |
ईसाणस्स णं देविंदस्स देवरण्णो अब्भितरपरिसाते देवाणं सत्त पलिओवमाई ठिती पन्नत्ता । सक्कस्स गं देविंदस्स देवरन्नो अग्गमहिसीणं देवीणं सत्त पलिओवमाई ठिती पन्नत्ता । सोहम्मे कप्पे परिग्गहियाणं देवी उक्कोसेणं सत्त पलिओवमाई ठिती पन्नत्ता ॥ सू० ५७५ ।।
सारस्सयमाइच्चाणं सत्त देवा सत्त देवसता पन्नत्ता । गद्दतोय-तुसियाणं देवाणं सत्त देवा सत्त देवसहस्सा पत्ता || सू० ५७६ ॥
सणकुमारे कप्पे उक्कोसेणं देवाणं सत्त सागरोवमाई ठिती पन्नत्ता । माहिंदे कप्पे उक्कोसेणं देवाणं सातिरेगाई सत्त सागरोवमाई ठिती पन्नत्ता। बंभलोगे कप्पे जहण्णेणं देवाणं सत्त सागरोवमाई ठिती पन्नत्ता।। सू० ५७७ ।। बंभलोय-लंततेसु णं कप्पेसु विमाणा सत्त जोयणसत्ताई उड्ड उच्चत्तेणं पन्नत्ता ।। सू० ५७८ ।। भवणवासीणं देवाणं भवधारणिज्जा सरीरगा उक्कोसेणं सत्त रयणीओ उड्डुं उच्चत्तेणं, एवं वाणमंतराणं एवं जोइसियाणं ।
सोहम्मीसाणेसु णं कप्पेसु देवाणं भवधारणिज्जगा सरीरा सत्त रयणीओ उड्डउच्चत्तेणं पन्नत्ता ।। सू० ५७९ ।। णंदिस्सरवरस्स णं दीवस्स अंतो सत्त दीवा पन्नत्ता, तंजहा - जंबुदीवे १, धायइसंडे २, पोक्खरवरे ३, वरुणवरे ४, खीरवरे ५, घयवरे ६, खोयवरे ७ । णंदीसरवरस्स णं दीवस्स अंतो सत्त समुद्दा पन्नत्ता, तंजहा - लवणे १, कालोदे २ पुक्खरोदे ३, वरुणोदे ४, खीरोदे ५, घओदे ६, खोतोदे ७ ।। सू० ५८० ।।
सत्त सेढीओ पन्नत्ताओ, तंजहा - उज्जुआयता १, एगतो वंका २, दुहतो वंका ३, एगतो खहा ४, दुहतो खहा ५, चक्कवाला ६, अद्धचक्कवाला ७ ।। सू० ५८१ ।।
चमरस्स णं असुरिंदस्स असुरकुमाररन्नो सत्त अणिता सत्त अणिताधिपती पन्नत्ता, तंजा - पत्ताणिते १, पढणि २, कुंजराणि ३, महिसाणिते ४, रहाणिते ५, नट्टाणिते ६, गंधव्वाणिते ७ । दुमे पायत्ताणिताधिपती एवं जहा पंचट्ठाणे (सू० ४०४) जाव किंनरे रधाणिताधिपती, रिट्ठे णट्टाणियाधिपती, गीतरती गंधव्वाणिताधिपती । बलिस्स णं वइरोयणिंदस्स वइरोयणरन्नो सत्तअणीया सत्त अणिताधिपती पन्नत्ता, तंजा - पत्ताणिते जाव गंधव्वाणिते। महद्दुमे पत्ताणिताधिपती जाव किंपुरिसे रधाणिताधिपती, महारिट्टे णट्टाणिताधिपती, गीतजसे गंधव्वाणिताधिपती ।
194
| SR No. | 005768 |
| Book Title | Sthanang Sutra Part 02 |
| Original Sutra Author | N/A |
| Author | Jayanandvijay |
| Publisher | Guru Ramchandra Prakashan Samiti |
| Publication Year | |
| Total Pages | 484 |
| Language | Gujarati |
| Classification | Book_Gujarati & agam_sthanang |
| File Size | 12 MB |