________________
इगवीसमं सरीरपयं वेउब्वियसरीरे विहिदारं
श्री प्रज्ञापना सूत्र भाग २ वे उव्वियसरीरे, थलयरसंखेज्जवासाउयगब्भवक्कंतिय-तिरिक्खजोणियपंचिंदियवे उव्वियसरीरे, खहयरसंखेज्जवासाउयगब्मवक्कंतियतिरिक्खजोणियपंचिंदियवेउव्वियसरीरे? गोयमा! जलयरसंखेज्जवासाउयगब्भवक्कंतियतिरिक्खजोणियपंचिंदियवेउव्वियसरीरे वि, थलयरसंखेज्जवासाउयगब्भवक्कंतियतिरिक्ख. जोणियपंचिंदियवेउव्वियसरीरे वि,खहयरसंखेज्जवासाउयगब्भवक्कंतियतिरिक्खजोणियपंचिंदियवेउव्वियसरीरे वि। जदि जलयरसंखेज्जवासाउयगब्भवक्कंतियतिरिक्खजोणियपंचिंदियवेउव्वियसरीरे किं पज्जत्तगजलयरसंखेज्जवासाउयगब्भवक्कंतियतिरिक्खजोणियपंचिंदियवेउव्वियसरीरे, अपज्जत्तगजलयरसंखेज्जवासाउय- . गब्भवक्कंतियतिरिक्खजोणियपंचिंदियवेउव्वियसरीरे? गोयमा! पज्जत्तगजलयरसंखेज्जवासाउयगब्भवक्कंतिय-. तिरिक्खजोणियपंचिंदियवेउव्वियसरीरे, नो अपज्जत्तगजलयरसंखेज्जवासाउयगब्भवक्कंतियतिरिक्खजोणियपंचिंदियवेउव्वियसरीरे। जदि थलयरसंखेज्जवासाउयगब्भवक्कंतियतिरिक्खजोणियपंचिंदिय-जाव सरीरे किं चउप्पय-जाव सरीरे, परिसप्प-जाव सरीरे? गोयमा! चउप्पय-जाव सरीरे वि, परिसप्प-जाव सरीरे वि। एवं सव्वेसिंणेयं जाव खहयराणं पज्जत्ताणं, नो अपज्जत्ताणं। जदि मणूसपंचिंदियवेउव्वियसरीरे किं सम्मुच्छिममणूसपंचिंदियवेउव्वियसरीरे, गब्भवक्कंतियमणूसपंचिंदियवेउव्वियसरीरे? गोयमा! णो सम्मुच्छिममणूसपंचिंदियवेउव्वियसरीरे, गब्भवक्कंतियमणूसपंचिंदियवेउब्वियसरीरे।जदिगब्भवक्कंतियमणूसपंचिंदियवेउव्वियसरीरे किंकम्मभूमगगब्भवक्कंतियमणूसपंचिंदियवेउव्वियसरीरे, अकम्मभूमगगब्भवक्कंतियमणूसपंचिंदियवेउव्वियसरीरे, अंतरदीवयगब्भवक्कंतियमणूसपंचिंदियवेउव्वियसरीरे? गोयमा! कम्मभूमगगब्भवक्कंतियमणूसपंचिंदियवेउव्वियसरीरे, णो अकम्मभूमगगब्भवक्कंतियमणूसपंचिंदियवेउव्वियसरीरे, णो अंतरदीवयगब्भवक्कंतियमणूसपंचिंदियवेउव्वियसरीरे ।जदिकम्मभूमगगब्भवक्कंतियमणूसपंचिंदियवेउल्वियसरीरे किंसंखेज्जवासाउयकम्मभूमगगब्भवक्कंतियमणूसपंचिंदियवेउव्वियसरीरे, असंखेज्जवासाउयकम्मभूमगगब्भवक्कंतियमणूसपंचिंदियवेउव्वियसरीरे? गोयमा! संखेज्जवासाउयकम्मभूमगगब्भवक्कंतियमणूसपंचिंदियवेउव्वियसरीरे, नो असंखेज्जवासाउयकम्मभूमगगब्भवक्कंतियमणूसपंचिंदियवेउव्वियसरीरे। जदि संखेज्जवासाउयकम्मभूमगगब्भवक्कंतियमणूसपंचिंदियवेउव्वियसरीरे किं पज्जत्तगसंखेज्जवासाउयकम्मभूमगगब्भवक्कंतियमणूसपंचिंदियवेउव्वियसरीरे,अपज्जत्तगसंखेज्जवासाउयकम्मभूमगगब्भवक्कंतियमणूसपंचिंदियवेउव्वियसरीरे? गोयमा! पज्जत्तगसंखेज्जवासाउयकम्मभूमगगब्भवक्कंतियमणूसपंचिंदियवेउव्वियसरीरे, नो अपज्जत्तगसंखेज्जवासाउयकम्मभूमगगब्भवक्कंतियमणुसपंचिंदियवेउव्वियसरीरे। जदि देवपंचिंदियवेउव्वियसरीरे किं भवणवासिदेवपंचिंदियवेउव्वियसरीरे,जाव वेमाणियदेवपंचिंदियवेउव्वियसरीरे? गोयमा! भवणवासिदेवपंचिंदियवेउव्वियसरीरे विजाव वेमाणियदेवपंचिंदियवेउव्वियसरीरे वि।जदि भवणवासिदेवपंचिंदियवेउव्वियसरीरे किं असुरकुमार-भवणवासिदेवपंचिंदियवेउव्वियसरीरे,जाव थणियकुमारभवणवासिदेवपंचिंदियवेउव्वियसरीरे? गोयमा! असुरकुमार० जाव थणियकुमारदेवपंचिंदियवेउव्वियसरीरे वि। जदि असुरकुमारभवणवासिदेवपंचिंदियवेउव्वियसरीरे, किं पज्जत्तगअसुरकुमारभवणवासिदेवपंचिंदियवेउव्वियसरीरे, अपज्जत्तगअसुरकुमारभवणवासिदेवपंचिंदियवेउव्वियसरीरे? गोयमा! पज्जत्तगअसुरकुमारभवणवासिदेव-पंचिंदियवेउव्वियसरीरे वि, अपज्जत्तगअसुरकुमारभवणवासिदेवपंचिंदियवेउव्वियसरीरे वि, एवं जाव थणियकुमारे वि' दुगओ भेदो। एवं १. सव्वेसिं णेयव्वं जाव इति पाठान्तर २. कुमाराणं इति पाठान्तर
- 141