Page Text
________________
३२९ . तत्त्वार्थाधिगमसूत्राणां बीजभूत “आगम सूत्राणि" . परिशिष्ट-५ तत्त्वार्थसूत्र अध्याय - २, सूत्र - ४१
कम्मगसरीरप्पयोगबंधे ..... अणाइए सपज्जवसिए अणाइए अपज्जवसिए वा एवं जहा तेयगस्स।
(व्याख्याप्रज्ञप्ति शतक - ८, उद्दे. - ९ सू. - ३५१) तत्त्वार्थसूत्र अध्याय - २, सूत्र - ४२
तेयगसरीरप्पयोगबंधे णं भन्ते ! कालओ कालचिरं होइ ? गोयमा ! दुविहे पण्णत्ते, तं जहा - अणाइए वा अपज्जवसिए अणाइए वा सपज्जवसिए।
(व्याख्या प्र. शतक - ८, उद्दे. - ९, सूत्र - ३५०) तत्त्वार्थसूत्र अध्याय - २, सूत्र - ४३
जस्स णं भंते ! ओरालियसरीरं ? गोयमा ! जस्स ओरालियसरीरं तस्स वेउब्वियसरीरं सिय अत्थि सिय णत्थि, जस्स वेउव्वियसरीरं तस्स ओरालियसरीरं सिय अत्थि सिय णत्थि। जस्स णं भंते ! ओरालियसरीरं तस्स आहारगसरीरं जस्स आहारगसरीरं तस्स ओरालियसरीरं ? गोयमा ! जस्स ओरालियसरीरं तस्स आहारगसरीरं सिय अत्थि सिय णत्थि, जस्स आहारगसरीरं तस्स ओरालियसरीरं णियमा अत्थि। जस्स णं भंते ! ओरालियसरीरं तस्स तेयगसरीरं, जस्स तेयगसरीरं तस्स ओरालियसरीरं ? गोयमा ! जस्स ओरालियसरीरं तस्स तेयगसरीरं णियमा अत्थि, जस्स पुण तेयगसरीरं तस्स ओरालियसरीरं सिय अत्थि सिय णत्थि। एवं कम्मसरीरे वि। जस्स णं भंते ! वेउव्वियसरीरं तस्स आहारगसरीरं, जस्स आहारगसरीरं तस्स वेउव्वियसरीरं ? गोयमा ! जस्स वेउव्वियसरीरं तस्स आहारगसरीरं णत्थि, जस्स पुण आहारगसरीरं तस्स वेउब्वियसरीरं णत्थि। तेयाकम्माइं जहा ओरालिएणं सममं तहेव, आहारगसरीरेण वि सम्मं तेयाकम्माइं तहेव उच्छारियव्वा । जस्स णं भंते ! तेयगसरीरं तस्स कम्मगसरीरं जस्स कम्मगसरीरं तस्स तेयगसरीरं? गोयमा ! जस्स तेयगसरीरं तस्स कम्मगसरीरं णियमा अत्थि जस्स वि कम्मगसरीरं तस्सवि तेयगसरीरं णियमा अत्थि।
(प्रज्ञा. पद - २१) तत्त्वार्थसूत्र अध्याय - २, सूत्र - ४४
विग्गहगइसमावन्नगाणं नेरइयाणं दोसरीरा पण्णत्ता, तं जहा - तेयए चेव कम्मए चेव ! निरंतरं जाव वेमाणियाणं।
(स्था. स्थान - २, उद्दे. - १, सूत्र - ७६) जीवे णं भंते ! गब्भं वक्कममाणे किं ससरीरी वक्कमइ, असरीरी वक्कमइ ?। गोयमा ! सिय ससरीरी वक्कमइ सिय असरीरी वक्कमइ। से केणटेणं ? गोयमा ! ओरालियवेउव्वियआहारयाई पडुच्च असरीरी वक्कमइ। तेयाकम्माइं पडुच्च ससरीरी वक्कमइ।।
(भग. श - १, उद्दे. - ७)
| SR No. | 005750 |
| Book Title | Tattvarthadhigam Sutra Part 02 |
| Original Sutra Author | N/A |
| Author | Udayprabhvijay |
| Publisher | Keshar Chandra Prabhav Hem Granthmala |
| Publication Year | 2016 |
| Total Pages | 376 |
| Language | Gujarati |
| Classification | Book_Gujarati |
| File Size | 12 MB |