Page Text
________________
परिशिष्ट- ६
परिशिष्ट - ६ तत्त्वार्थाधिगमसूत्राणां बीजभूत “ आगम सूत्राणि "
तत्त्वार्थसूत्र अध्याय १, सूत्र १ :- नादंसणिस्स नाणं, नाणेण विणा न हुन्ति चरणगुणा । अगुणिस्स नत्थि मोक्खो, नत्थि अमोक्खस्स निव्वाणं ।। (उत्तराध्ययन सूत्र अध्ययन २८ गाथा ३० ) तिविधे सम्मे पण्णत्ते, तं जहा - नाणसम्मे दंसणसम्मे चरित्तसम्मे ।
(स्थानाङ्गसूत्र स्था० ३ उद्देश ४ सूत्र १९४ ) . मोक्खमग्गगइं तच्चं, सुणेह जिणभासियं । चउकारणसंजुत्तं, नाणदंसणलक्खणं ।। नाणं च दंसणं चेव, चरित्तं च तवो तहा । एस मग्गु त्ति पन्नत्तो, जिणेहिं वरदंसिहिं ।। नाणं च दंसणं चेव, चरितं च तवो तहा । एयं मग्गमणुप्पत्ता, जीवा गच्छन्ति सोग्गइ ।।
( उत्तराध्ययन सूत्र अध्ययन २८ गाथा १-३) त० सू. अ० १ सू० २ :- तहियाणं तु भावाणं, सब्भावे उवएसणं । भावेणं सद्दहन्तस्स, सम्मतं तं वियाहियं ।। (उत्तरा० अ० २८ गाथा १५ ) त० सू० अ० १ सू० ३ :- सम्मदंसणे दुविहे पण्णत्ते, तं जहा - णिसग्गसम्मदंसणे चेव अभिगमसम्मदंसणे चेव ।। (स्थानाङ्ग सूत्र स्थान २, उद्देश १, सूत्र ७०) अ० १, सू० ४:- नव सब्भावपयत्था पण्णत्ते, तं जहा जीवा अजीवा पुण्णं पावो आसवो संवरी निज्जरा बंध मोक्खो (स्थानाङ्ग स्थान ९, सूत्र ६६५ )
अ० १, सू० ५:- जत्थ य जं जाणेज्जा निक्खेवं निक्खिवे निरवसेसं । जत्थवि अ न जाणेज्जा चउक्कगं निक्खिवे तत्थ ।। आवस्यं चउव्विहं पण्णत्ते, तं जहा - नामावस्सयं ठवणावस्सयं दव्वावस्सयं भावावस्सयं ।। ( अनुयोगद्वार सूत्र, सूत्र ८)
अ० १ सू० ६ :- दव्वाण सव्वभावा, सव्वपमाणेहिं जस्स उवलद्धा ।
सव्वाहिं नयविहीहिं, वित्थाररुइ त्ति नायव्वो ।। ( उत्तराध्ययन अ० २८ गा० २४) से तं जीवगुणप्पमाणे ?, तिविहे पण्णत्ते, तं जहा णाणगुणप्पमाणे दंसणगुणप्पमाणे चरित्तगुणप्पमाणे । (अनुयोगद्वारसूत्र १४४)
अ० १ सू० ७ :- • निसे पुरिसे कारण कहिं केसु कालं कइविहं । । ( अनुयोगद्वार सूत्र १५१ )
. अ० १ सू० ८ :- से किं तं अणुगमे ? नवविहे पण्णत्ते, तं जहा संतपयपरूवणया १ दव्वपमाणं च २ खित्त ३ फुसणा य ४ कालो य ५ अंतरं ६ भाग ७ भाव ८ अप्पाबहुँ ९ चेव । ( अनुयोग द्वार सू० ८०)
अ० १, सू० ९ :- पंचविहे णाणे पण्णत्ते, तं जहा - आभिणिबोहियणाणे सुयनाणे ओहिणाणे मणपज्जवणाणे केवला ।। ( स्थानांगसूत्र स्थान ५ उद्दे० ३ सू० ४६३, अनुयोगद्वार सूत्र १, नन्दिसूत्र १, भगवतीसूत्र शतक ८ उद्देश २ सूत्र ३१८ )
अ० १ सू० १० :दुविहे नाणे पण्णत्तं तं जहा-पच्चक्खे चेव परोक्खे चेव, (स्थानांग स्थान -२ उद्देश - 9 सूत्र - ७१ / १, नंदीसूत्र -२)
| SR No. | 005749 |
| Book Title | Tattvarthadhigam Sutra Part 01 |
| Original Sutra Author | N/A |
| Author | Udayprabhvijay |
| Publisher | Vijay Kesharchandrasuri Foundation Girivihar Turst |
| Publication Year | 1950 |
| Total Pages | 462 |
| Language | Gujarati |
| Classification | Book_Gujarati |
| File Size | 11 MB |