________________
ર૩૬ D ઉપાધ્યાય યશોવિજય સ્વાધ્યાય ગ્રંથ
શોભન સ્તુતિની જેમ આ સ્તુતિ પણ કંઠસ્થ કરી પ્રતિક્રમણ, દેવવંદન વગેરેમાં અવશ્ય ઉપયોગમાં લેવા જેવી છે.
કાવ્યદૃષ્ટિએ અનેક અલંકારોથી શોભતી આ સ્તુતિઓ સહૃદયના હૃદયને આકર્ષિત કર્યા સિવાય રહેતી નથી.
તેઓશ્રીની સાહિત્યકૃતિઓમાં અગાધ પાંડિત્ય જેમ જણાઈ આવે છે તે જ રીતે નાનું બાળક સમજી શકે તેવી સરલ લોકભોગ્ય શૈલી પણ સ્પષ્ટ દેખી શકાય છે. જ્ઞાનસાર, અધ્યાત્મસાર, અધ્યાત્મોપનિષદ્ જેવાં ગ્રંથરત્નો દ્વારા તેઓશ્રીએ હિંદુસમાજમાં બહુ જ પ્રચલિત ગીતાનું તત્ત્વજ્ઞાન, અલૌકિક દૃષ્ટિએ સઘળાવે શાસ્ત્રગ્રંથોના દોહનરૂપે ગૂંથીને મૂક્યું છે. એક જ “જ્ઞાનસારનું જો અધ્યયન, મનન, પરિશીલન આજે એકાગ્રચિત્તે કરવામાં આવે. આજના સભ્ય માનવસંસારને એ ગ્રંથની વસ્તુની ભેટ ધરવામાં આવે, તો વર્તમાનના વિષમ વાતાવરણમાં અનેકવિધ વિસંવાદિતાઓ, સમસ્યાઓ કે મૂંઝવણોનો વાસ્તવદર્શી સચોટ ઉપાય આ “જ્ઞાનસારના પ્રબોધેલા તત્ત્વજ્ઞાનમાં જગતને મળી શકે તેમ છે.
પં. શ્રી કનકવિજયજી ગણિવર (શ્રી યશોવિજય સ્મૃતિગ્રન્થ).
