Page Text
________________
યશોલોકમાં
વિ.સં. ૨૦૪૩નું વર્ષ એટલે પૂજ્ય ઉપાધ્યાય શ્રી યશોવિજયજી મહારાજના સ્વર્ગવાસનું ત્રિશતાબ્દી વર્ષ. તેઓશ્રીના ગ્રન્થોનું આકર્ષણ ઘણું હતું તેથી તેઓ પ્રત્યે પણ ભક્તિ-બહુમાન હતાં.
તેઓ પ્રત્યેની ભક્તિમાં વૃદ્ધિ કરવાનો આ અવસર છે એટલે કાંઈ કરીએ એમ થયા કરતું. વિ.સં. ૨૦૪૨નું ચોમાસું નવસારી હતા. ત્યાં શ્રી ર. ચી. શાહ આવ્યા અને વાત થઈ કે પૂ. ઉપાધ્યાયજી મહારાજ અંગે કાંઈક કરવામાં આવે તો સારું. તેઓએ કહ્યું અવસર સારે છે. વિચારીએ. પછી અમારો વિહાર થયો.
એ જ વર્ષમાં તેઓશ્રીની સ્વર્ગવાસભૂમિ ડભોઈની સ્પર્શના કરવાનું સૌભાગ્ય સંપડ્યું. પૂરા ત્રેવીસ દિવસ ડભોઈવાસ કર્યો. અને ગામથી દોઢ કિ.મી. દૂરની એ પુણ્ય તીર્થભૂમિની, ઉપાધ્યાયજીના ગુણપ્રમાણ પૂરી પચ્ચીસ યાત્રા કરી. સ્પર્શના ફળવતી બની. છેલ્લાં દશ વર્ષથી કાવ્યની સરવાણી રૂંધાઈ ગઈ હતી તે એ ભૂમિની સ્પર્શનાથી ફરી ફૂટી નીકળી – નાનું ઝરણું રેલાયું. પહેલી જ રચના તેઓશ્રીની સ્તુતિસ્વરૂપ થઈ. જોતજોતામાં ૧૦-૧૨ કડી માત્ર બે ક્લાકમાં ઊતરી આવી. આ ચમત્કાર એ ભૂમિનો હતો. અંગ્રેજીમાં જેને ચાર્જિંગ પ્લૉટ' કહે છે તેવું લાગ્યું.
વૈશાખ સુદ ત્રીજ સાંજે અમદાવાદ તરફ વિહાર કર્યો અને અમદાવાદ આવ્યા. ચોમાસું ભગવાનનગરના ટેકરે શ્રી વિશ્વનંદિકર સંઘમાં હતું. ફરી પેલી વાત, તાજી થઈ. શ્રી ૨. ચી. શાહની સાથે પત્રવ્યવહારનો દોર ચાલુ થયો. તેમને શ્રી જયંતભાઈ કોઠારીની સાથે આ બાબત વિચારીને બધું અંકે કરવાનું કહ્યું.
વિચારવિનિમય કર્યો. પરિસંવાદ કરવો. પૂજય ઉપાધ્યાયજી મહારાજના ગ્રંથો અંગે વિદ્વાનોની પાસે નિબંધ તૈયાર કરાવતા એમ નક્કી કર્યું
વિષયવિચાર માટે થોડાક વિદ્વાનોને આમંત્ર્યા. તેમાં જૈન પણ હતા તો અજૈન પણ હતા. બધા આવ્યા. પ્રેમથી આવ્યા. નિકટતાની અનુભૂતિ થઈ. આ તો સર્વોપરિ વિદ્યાના તાંતણે મળવાનું હતું. વિદ્વાનોનાં નામની સૂચિ અને બીજી બાજુ ગ્રંથની સૂચિ કરી. થોડીથોડી દ્વિધા વચ્ચે વિષયો ફાળવ્યા. પછીથી વિદ્વાનોને જોઈતી ગ્રન્થ આદિની માહિતી-સામગ્રી સુલભ કરી આપી. મંડાણ સારાં થયાં છે, પરિણામ સારું આવશે તેવો વિશ્વાસ બેઠો. શ્રી મહાવીર જૈન વિદ્યાલયના મંત્રી શ્રી ૨. ચી. શાહ સાથે પત્રવ્યવહાર કરી પરિસંવાદનો દિવસ નક્કી થયો. ભગવાનનગરના ટેકરાના શ્રી વિશ્વનંદિકર જૈન સંઘના હૂંફાળા-ઉમળકાભર્યો આવકાર સાથે પરિસંવાદનો પ્રારંભ થયો. પહેલી જ બેઠકમાં વિદ્વાનોની અનૌપચારિકતાથી મારો રહ્યો સહ્યો પણ ક્ષોભ ઓગળી ગયો. તેઓના નિછલ નેહરસથી હું ભીંજાયો. બે દિવસની ચાર બેઠકમાં અમે બધા સ્થળ અને કાળના સીમાડા ઓળંગીને યશોલોકમાં વિહરવા લાગ્યા.
પરિસંવાદમાં કેવી કેવી વ્યક્તિની ઉપસ્થિતિ હતી ! જેથી પરિસંવાદનું સ્તર
| SR No. | 005729 |
| Book Title | Upadhyay Yashovijayji Swadhyay Granth |
| Original Sutra Author | N/A |
| Author | Pradyumnavijay, Jayant Kothari, Kantilal B Shah |
| Publisher | Mahavir Jain Vidyalay |
| Publication Year | 1993 |
| Total Pages | 366 |
| Language | Gujarati |
| Classification | Book_Gujarati |
| File Size | 7 MB |